سندھ کے علاقے حیدرآباد میں زمیندار نے ظلم و بربریت کی انتہا کرتے ہوئے کھیت میں بکریاں چرانے پر 10 سالہ بچے کو قتل کردیا۔
جیو نیوز کے مطابق پولیس نے بتایا ہے کہ بچے کو قتل کرنے کا واقعہ حیدرآباد کے علاقے سیری میں پیش آیا، جہاں زمیندار نے کھیت میں بکریاں چرانے پر معصوم بچے کی جان لے لی۔
یہ بھی پڑھیں سانگھڑ میں ظالم وڈیرے نے غریب شہری کے اونٹ کی ٹانگ کاٹ دی
پولیس کے مطابق ملزم نے بکریاں چرانے والے بچے کو فائرنگ کرکے موت کے گھاٹ اتارا۔
ایس ایس پی حیدرآباد کا کہنا ہے کہ ملزم کی گرفتاری کے لیے پولیس کی ٹیمیں تشکیل دے دی گئی ہیں اور تلاش جاری ہے۔
دوسری جانب میڈیا رپورٹس کے مطابق بچے کے ورثا نے ٹنڈو محمد خان روڈ پر احتجاج کیا ہے، اور حکام سے مطالبہ کیا ہے کہ قاتل کو گرفتار کرکے قرار واقعی سزا دی جائے۔
یہ بھی پڑھیں اونٹنی کی ٹانگ کاٹنے میں ملوث مبینہ ملزمان کی ضمانت منظور
واضح رہے کہ کھیت میں بکریاں یا کوئی اور جانور جانے پر تشدد کی خبریں حالیہ عرصے میں بہت عام ہوئی ہیں، کچھ عرصہ قبل سندھ کے علاقے میں ہی ایک ملزم نے اونٹنی کی ٹانگ کاٹ دی تھی۔ جبکہ ایسے ہی کچھ واقعات پنجاب میں بھی پیش آئے ہیں۔
