وزیراعظم محمد شہباز شریف نے کہا ہے کہ یوم شہدائے پولیس، بہادر پولیس افسران اور اہلکاروں کی جرات اور بہادری کو یاد کرنے کا دن ہے۔ جرائم کی سرکوبی کرتے ہوئے اپنی جانوں کا نذرانہ پیش کرنے والے پولیس اہلکاروں کی قربانیاں لازوال ہیں۔ پولیس نے دہشتگردی کے خلاف جنگ میں ہراول دستے کے طور پر ذمہ داری نبھائی۔
یوم شہدائے پولیس
سلام ہے وطن کے ان عظیم سپوتوں پر جنہوں نے ہمارے محفوظ مستقبل کے لئے اپنا آج قربان کیا۔ اسلام آباد پولیس “یوم شہدائے پولیس” کے موقع پر ان شہداء کو خراج عقیدت پیش کرتی ہے۔ #Blue_Bleeds_Green#SalamShuhada #ICTP #PoliceMartyrs #PoliceMartyrsDay #YoumeShuhada pic.twitter.com/nkhXZdNzKW
— Islamabad Police (@ICT_Police) August 4, 2024
یوم شہدائے پولیس کے موقع پر وزیراعظم محمد شہباز شریف نے اپنے پیغام میں کہا ہے کہ پولیس کے شہید افسران اور اہلکاروں کو خراج عقیدت پیش کرتے ہوئے کہا کہ پولیس اہلکاروں نے ہمیشہ اپنی جانوں کا نذرانہ دے کر قوم کا مستقبل محفوظ اور روشن بنایا۔ شہدائے پولیس قوم کا فخر ہیں، پوری قوم شہید پولیس اہلکاروں کو سلام پیش کرتی ہے۔
مزید پڑھیں:آرمی چیف کا اسلام آباد پولیس کے شہدا کے لیے 2 کروڑ 50 لاکھ روپے کا تحفہ
وزیراعظم کا کہنا تھا کہ شہید افسران اور اہلکاروں کے خاندانوں کا خیال رکھنا حکومت کی ذمہ داری ہے، اس حوالے سے کوئی کوتاہی نہیں ہونے دیں گے۔ وفاقی حکومت شہدا کے بچوں کی تعلیم و صحت کے لیے ہر ممکن اقدامات اٹھائے گی۔ شہدا کے خاندانوں کا ہر طرح سے خیال رکھا جائے گا۔ بطور وزیراعلیٰ پنجاب شہدائے پولیس کے خاندانوں کے لیے بڑا اور تاریخی پیکج دیا تھا۔
