متحدہ عرب امارات (یو اے ای) میں ایک لڑکا صرف 4 سال 218 دن کی عمر میں کتاب شائع کرنے والا کم عمر ترین شخص بن گیا۔
غیر ملکی میڈیا رپورٹس کے مطابق متحدہ عرب امارات سے تعلق رکھنے والے 4 سالہ بچے نے کتاب شائع کرنے والے سب سے کم عمر فرد (مرد) ہونے کا ریکارڈ توڑتے ہوئے یہ ثابت کر دیا کہ کامیابی کی راہ میں عمر رکاوٹ نہیں ہوتی۔
میڈیا رپورٹس کے مطابق گنیز ورلڈ ریکارڈ کے مطابق ابوظہبی سے تعلق رکھنے والے ننھے سعید راشد المہیری 4 سال اور 218 دن کی عمر میں کتاب شائع کرنے والے دنیا کے سب سے کم عمر ترین شخص ہیں۔
رپورٹس کے مطابق ان کے ریکارڈ کی تصدیق 9 مارچ 2023 کو اس وقت ہوئی جب ان کی کتاب (The Elephant Saeed and the Bear) کی ایک ہزار سے زائد کاپیاں فروخت ہوئیں۔ ان کی یہ کتاب دو جانوروں کے درمیان دوستی کی کہانی سے متعلق ہے۔
لیکن سعید راشد المہیری اپنے خاندان میں واحد نہیں جنہوں نے کوئی ریکارڈ بنایا ہو ان کی بڑی بہن الذہبی بھی ایسا ہی ایک ریکارڈ اپنے نام کر چکی ہیں۔
میڈیا رپورٹس کے مطابق سعید راشد المہیری کی سب سے بڑی حامی ان کی 8 سالہ بہن دو لسانی کتابوں کی سیریز (خواتین) شائع کرنے والی سب سے کم عمر شخص ہونے کا ریکارڈ اپنے نام کر چکی ہیں۔ الذہبی ملک کے سب سے کم عمر کاروباری افراد میں سے ایک ہیں اور مقامی اشاعتی کمپنی رینبو چمنی ایجوکیشنل ایڈز بھی چلاتی ہیں۔
رپورٹس کے مطابق سعید راشد المہیری کا کہنا ہے کہ وہ میں اپنی بڑی بہن سے بہت پیار کرتے ہیں، انہیں اپنی بہن کے ساتھ کھیلنا اچھا لگتا ہے۔ ان کا کہنا تھا کہ انہوں نے اپنی بڑی بہن سے ہی متاثر ہو کر کتاب لکھنے کا سوچا تھا۔
