پیرس اولمپکس میں غیر معمولی کامیابی حاصل کرنے والے ہیرو ارشد ندیم کے لیے چیئرمین ایتھلیٹکس فیڈریشن آف پاکستان نے بڑا اعلان کردیا۔
یہ بھی پڑھیں:ارشد ندیم نے کیوں کہا کہ ’میرا سیاست میں آنا بنتا ہی نہیں‘؟
چیئرمین ایتھلیٹکس فیڈریشن آف پاکستان میجر جنرل (ر) محمد اکرم ساہی نے جیولین تھرور ارشد ندیم کو اہل خانہ سمیت عمرہ کروانے کا اعلان کیا ہے۔
میجر جنرل (ر) محمد اکرم ساہی نے اپنے بیان میں کہا کہ استقبالیہ تقریبات سے فارغ ہونے کے بعد ارشد ندیم اور ان کی فیملی کو عمرے پر بھجوایا جائے گا۔
واضح رہے کہ ارشد ندیم نے پیرس اولمپکس کے نیزہ بازی مقابلے میں 92.97 میٹر کی ریکارڈ تھرو کرکے پاکستان کے لیے اولمپکس میں 40 سال بعد طلائی تمغہ جتوایا ہے۔
