وزیراعظم شہباز شریف نے ملک کی معاشی ترقی کے لیے 7 رکنی کمیٹی تشکیل دے دی ہے۔
یہ بھی پڑھیں:ایس آئی ایف سی نے ملکی معیشت کو کیا دیا اور مستقبل میں کیا امکانات ہیں؟
وزیراعظم شہباز شریف کی جانب سے ملک کی خود انحصاری پر مبنی معاشی ترقی کے منصوبے کے لیے 7 رکنی کمیٹی تشکیل دے دی گئی ہے، جس کا نوٹیفکیشن بھی جاری کردیا گیا ہے۔
نوٹیفکیشن کے مطابق نائب وزیراعظم اسحاق ڈار کو 7 رکنی کمیٹی کا چیئرمین مقرر کیا گیا ہے، دیگر اراکین میں وزیر منصوبہ بندی و ترقی احسن اقبال، وزیر خزانہ محمد اورنگزیب، وزیر اقتصادی امور احد چیمہ، وزیر اطلاعات عطا تارڑ، وزیر مملکت ریونیو و توانائی علی پرویز ملک بھی شامل ہیں۔
نوٹیفکیشن کے مطابق خصوصی سرمایہ کاری سہولت کونسل (ایس آئی ایف سی) کے کوآڈینیٹر بھی کمیٹی ارکان میں شامل ہیں۔
معاشی کمیٹی برطانوی ماہر معیشت اسٹیفن ڈرکن کے تجویز کردہ معاشی پلان کا جائزہ لے گی، کمیٹی معاشی پلان کے مسودے اور مختلف شعبوں کا جائزہ لے کر رپورٹ دے گی۔
یہ بھی پڑھیں:آہنی عزم ہے یو اے ای کے ساتھ مل کر پاکستان کی معیشت تبدیل کر دوں گا، وزیر اعظم پاکستان
برطانوی معیشت دان بھی اسٹیفن ڈرکن بھی کمیٹی کو اپنے رائے دیں گے، کمیٹی مزید ارکان کا تقرر کر سکے گی، کمیٹی کا سیکریٹریٹ خزانہ ڈویژن میں ہوگا۔
