سابق وزیراعظم اور پاکستان تحریک انصاف (پی ٹی آئی ) کے بانی چیئرمین عمران خان کی بہن علیمہ خان نے دعویٰ کیا ہے کہ ہمیں اطلاع مل رہی ہے کہ عمران خان کو ختم کرنے کا فیصلہ ہوا ہے، ایسا کرنے کی کوشش بھی کی گئی تو ہم اکیلے ہی سڑکوں پربیٹھ جائیں گے، ہمیں کسی کی ضرورت نہیں پھرہم اٹھیں گے نہیں۔
یہ بھی پڑھیں:فی الحال عمران خان کی رہائی کا کوئی امکان نہیں، علیمہ خان
پیر کو بانی پی ٹی آئی عمران خان کی بہن علیمہ خان کی میڈیا سے گفتگو پر مبنی ایک ویڈیو سماجی رابطے کی ویب سائٹ ’ایکس ڈاٹ کام‘ پروائرل ہو رہی ہے جس میں انہیں یہ دعویٰ کرتے ہوئے سنا جا سکتا ہے کہ ’ ہمیں اطلاع مل رہی ہے کہ عمران خان کوختم (ایلیمینٹ) کرنے کا فیصلہ ہوا ہے۔
الرٹ۔
ہمیں اطلاع ملی ہے عمران خان کو ختم کرنے کا فیصلہ کیا گیا ہے۔
علیمہ خان— Arslan Baloch (@balochi5252) August 19, 2024
علیمہ خان نے ویڈیو میں مزید کہا کہ اگر اس کا مقصد یہ ہے کہ عمران خان کو القادرٹرسٹ کیس میں فوری سزا دیں اور 3 مہینے جیل میں رکھیں، کیا یہ اس لیے کر رہے ہیں کہ عمران خان کو ختم کردیں۔ اگرایسا کرنے کی کوشش بھی کی گئی تو ہم اکیلے ہی سڑکوں پربیٹھ جائیں گے، ہمیں کسی کی ضرورت نہیں پڑے گی پھرہم اٹھیں گے بھی نہیں۔
یہ بھی پڑھیں توشہ خانہ نیا ریفرنس: عمران خان اور بشریٰ بی بی کا 8 روزہ جسمانی ریمانڈ منظور
انہوں نے کہا کہ جسٹس قاضی فائزعیسیٰ کی مدتِ ملازمت میں توسیع دینے کی بات اسی لیے کی جا رہی ہے کہ عمران خان کو ختم کیا جائے، کیونکہ عمران خان نے کہا ہے کہ اگر جسٹس قاضی فائزعیسیٰ دو ماہ کے بعد چلا گیا تو موجود سارا منظر نامہ الٹ جائے گا۔
مزید پڑھیں:عمران خان کی زندگی خطرے میں ہے، پی ٹی آئی کی آن لائن میٹنگ میں علیمہ خان کی گفتگو
علیمہ خان نے الزام لگایا کہ جسٹس قاضی فائزعیسیٰ نے پہلے پاکستان تحریک انصاف کو ختم کیا اور اب عمران خان کو ختم کرنے کے ساتھ ہر طرح کی کوشش کر رہے ہیں۔ ان کا سارا مقصد ہی یہی ہے کہ عمران خان کو ختم کیا جائے۔
