پاکستان تحریک انصاف (پی ٹی آئی) کے بانی عمران خان کی ہمشیرہ علیمہ خان نے کہا ہے کہ ہمیں اندر سے یہ خبر آئی ہے کہ عمران خان کو ختم کرنے کا فیصلہ ہوچکا ہے۔
یہ بھی پڑھیں اطلاع ملی ہے کہ عمران خان کو ختم کرنے کا فیصلہ ہوگیا، علیمہ خان
میڈیا سے گفتگو کرتے ہوئے انہوں نے کہاکہ اگر عمران خان کو کچھ ہوا تو اس کے ذمہ دار آرمی چیف جنرل عاصم منیر ہوں گے، کیونکہ انہی کی وجہ سے یہ سب کچھ ہورہا ہے۔
ہمیں اندر سے خبر آئی ہے کہ عمران خان کو eliminate کیا جائے گا چاہے آپ اسکو انفارمیشن کہیں یا ڈس انفارمیشن، اگر عمران خان کو کچھ ہوا تو اسکے زمہ دار عاصم منیر ہوں گے کیونکہ انہی کی وجہ سے سارا کچھ ہو رہا ہے۔
علیمہ خان نے ایک بار پھر کل کا بیان دھرا دیاpic.twitter.com/NBvltiR0sT
— Shams Khattak (@Sh_am_92) August 21, 2024
علیمہ خان نے کہاکہ عمران خان نے کہا ہے کہ زندگی موت اللہ کے ہاتھ میں ہے، ان کا موقف ہے کہ پاکستان اس وقت بنانا ریپبلک بن چکا ہے جہاں پر کوئی آئین اور قانون نہیں۔
یہ بھی پڑھیں فی الحال عمران خان کی رہائی کا کوئی امکان نہیں، علیمہ خان
علیمہ خان کے مطابق عمران خان کا موقف ہے کہ چیف جسٹس فائز عیسیٰ، چیف جسٹس ہائیکورٹ عامر فاروق اور چیف الیکشن کمشنر سکندر سلطان راجا اس پورے کھیل میں شریک ہیں اور انہوں نے کوئی معاہدہ کیا ہوا ہے جس کے مطابق یہ نظام کا تیا پانچا کررہے ہیں۔
