پاکستان ریلویز نے مزید 10 ٹرینیں آؤٹ سورس کرنے کا فیصلہ کرلیا ہے۔
میڈیا رپورٹس کے مطابق پاکستان ریلویز نے کراچی سٹی اسٹیشن سے سرگودھا کی ہزارہ ایکسپریس، کراچی کینٹ سے پشاور کی عوام ایکسپریس، کراچی سٹی سے ملتان کی بہاؤادین زکریا ایکسپریس کو آؤٹ سورس کرنے کا فیصلہ کیا ہے۔
یہ بھی پڑھیں: پاکستان ریلوے کی کتنی ٹرینیں آؤٹ سورس کی جائینگی اور اس کا عوام کو کیا فائدہ ہوگا؟
کراچی کینٹ سے لاہور کی کراچی ایکسپریس، کراچی سٹی سے جیکب آباد کی سکھر ایکسپریس، کراچی سٹی سے میرپور خاص کی مہران ایکسپریس، کراچی سٹی سے دادو کی موہنجو داڑو ایکسپریس بھی پرائیویٹ پارٹنرشپ کے تحت چلائی جائیں گی۔
پاکستان ریلویز نے راولپنڈی سے ایبٹ آباد حویلیاں چلنے والی راولپنڈی ایکسپریس، سرگودھا سے لالہ موسی کی چناب ایکسپریس اور ملتان سے گولڑہ شریف کی مہران ایکسپریس بھی آؤٹ سورس کرنے کا فصلہ کیا ہے۔
یہ بھی پڑھیں: پاکستان ریلوے کا شمسی توانائی سے مدد لینے کا بڑا منصوبہ، بچت کتنی ہوگی؟
پاکستان ریلویز نے یہ فیصلہ مسافروں کو بہتر سہولیات دینے کے تناظر میں کیا ہے، اہم بات یہ ہے کہ مذکورہ بالا 10 مسافر ٹرینوں میں سے 7 اہم ٹرینیں کراچی کینٹ اور سٹی اسٹیشنز سے آپریٹ کی جاتی ہیں۔
