پاکستان کی ٹیسٹ کرکٹ ٹیم کے کپتان شان مسعود نے بنگلہ دیش کے خلاف ٹیسٹ سیریز کے پہلے میچ میں شکست پر کہا ہے کہ راولپنڈی ٹیسٹ میں شکست کی وجہ پچ ہے۔
میچ کے بعد گفتگو کرتے ہوئے شان مسعود نے کہاکہ جس طرح کی پچ تھی اس حساب سے ہمیں ایک اسپنر اور 3 فاسٹ بولرز کے ساتھ میدان میں جانا چاہیے تھا۔
یہ بھی پڑھیں بنگلہ دیش کے خلاف قومی ٹیم کی شکست، پی سی بی چیئرمین کا اہم بیان آگیا
انہوں نے کہاکہ دوسری اننگز میں 117 رنز کی لیڈ ختم کرنے کے بعد ہماری سوچ تھی کہ میچ کو ڈرا کی طرف لے جایا جائے، تاہم شکست کی کچھ وجوہات ہیں۔
شان مسعود نے کہاکہ ڈومیسٹک کرکٹ میں راولپنڈی اسٹیڈیم کی وکٹ ایسی نہیں ہوتی تھی۔
واضح رہے کہ پاکستان بنگلہ دیش ٹیسٹ سیریز کے پہلے میچ میں بنگلہ دیش نے پاکستان کو 10 وکٹوں سے شکست دے دی ہے، میچ کا فیصلہ آخری روز میں ہوا۔
دونوں ٹیموں کے درمیان کھیلے گئے پہلے ٹیسٹ میچ کی دوسری اننگز میں قومی ٹیم 146 رنز بنا کر آؤٹ ہوگئی تھی، اور مہمان ٹیم کو جیت کے لیے صرف 30 رنز کا ہدف دیا تھا جو انہوں نے بغیر کوئی وکٹ گنوائے حاصل کرلیا۔
یہ بھی پڑھیں بنگلہ دیش کی راولپنڈی ٹیسٹ میں پاکستان کے خلاف پہلی تاریخی فتح
قومی ٹیم کو پہلے ٹیسٹ میچ میں شکست پر چیئرمین پی سی بی محسن نقوی نے بنگلہ دیشی کرکٹ ٹیم کو مبارکباد دیتے ہوئے امید ظاہر کی کہ قومی ٹیم دوسرے ٹیسٹ میں کارکردگی دکھائے گی۔
