حمائمہ ملک ایک خوبصورت، بولڈ اور باصلاحیت پاکستانی اداکارہ ہیں جن کے مداحوں کی ایک بڑی تعداد ہے۔ انہوں نے ’عشق جنون دیوانگی‘ اور ’اکبری اصغری‘ جیسے مشہور ڈراما سیریلز میں اپنے زبردست کردار سے بڑے پیمانے پر پہچان حاصل کی ہے۔
مداحوں نے ان کی کامیاب فلمیں ’بول‘ اور ’دی لیجنڈ آف مولا جٹ ‘کو بھی بے حد پسند کیا۔ مداحوں نے ’دی لیجنڈز آف مولا جٹ‘ میں ان کا دارو کا کردار بے حد پسند کیا ہے۔ حمائمہ ملک گرین انٹرٹینمنٹ کی ڈراما سیریز ’جنڈو‘ میں بھی اپنی اداکاری کے جوہر دکھا چکی ہیں۔
’جنڈو‘ میں ان کا کردار چیلنجنگ رہا جسے مداحوں کی جانب سے زبردست پذیرائی ملی۔ سیریل کی ہدایتکاری انجم شہزاد نے کی تھی۔
اداکارہ حمائمہ ان دنوں اپنی خوبصورت نئی بھابھی ڈاکٹر زینب کے ساتھ اپنے گھر میں وقت گزار رہی ہیں جو معروف اداکار فیروز خان کی اہلیہ ہیں۔
حمائمہ ملک نے اپنی بھابھی کے ساتھ ایک خوبصورت ویڈیو شیئر کی ہے، اس کے ساتھ ہی حمائمہ ملک نے بھابھی کے لیے اپنے دل میں جذبات اور پیار سے متعلق ایک جذباتی نوٹ بھی لکھا۔
حمائمہ اپنے جذباتی نوٹ میں لکھتی ہیں کہ ’بھابھی کیا ہے؟ وہ ایک اچھی دوست ہے، میری خوبصورت شہزادی، دعا ہے وہ ہمیشہ میرے ساتھ رہے اور اپنی غیر مشروط محبت کے ذریعے میری زندگی کو بہتر بنائے، وہ ایک ہزار دوستوں سے بہتر، میری سہیلی، میری رانی ہے۔
اپنے نوٹ میں حمائمہ ملک نے مزید لکھا کہ ’ اللہ تمہیں (بھابھی) میرے پاس رکھے ہمیشہ ایسے ہی ہنستے، مسکراتے، آپ ایک ہزار دوستوں سے بہتر ہیں، آپ کے ساتھ ہمیشہ اپنی ہنسی اور محبت بانٹتی رہوں، تم میری ہو۔
