پنجاب حکومت نے لاہور میں مزید 5 تحصیلوں کا اضافہ کردیا، جس کے بعد لاہور تحصیلوں کے اعتبار سے صوبے کا سب سے بڑا شہر بن گیا۔
وزیراعلیٰ پنجاب مریم نواز نے لاہور کی نئی 5 تحصیلوں کی منظوری دی تھی، جس کا نوٹیفکیشن بورڈ آف ریونیو نے جاری کردیا ہے، اور اب ضلع لاہور کی 10 تحصیلیں ہوگئیں۔
5 نئی تحصیلوں کے لیے 5 اسسٹنٹ کمشنرز کی خدمات کمشنر لاہور کے سپرد کی گئی ہیں۔
نئی 5 تحصیلوں میں نشتر، واہگہ، اقبال ٹاون، راوی اور صدر شامل کی گئی ہیں، جبکہ موجودہ 5 تحصیلوں میں رائیونڈ، ماڈل ٹاؤن، لاہور کینٹ، لاہور سٹی اور شالیمار تحصیلیں چل رہی ہیں۔
