ڈی آئی جی اسلام آباد پولیس ڈاکٹر سید مصطفیٰ تنویر نے کہا ہے کہ اسلام آباد پولیس نے رواں سال کے دوران 1446 منشیات فروش گرفتار کیے ہیں۔ منشیات فروشوں سے 344 کلوگرام سے زائد چرس، نشہ آور گولیاں اور 11920 لیٹر شراب برآمد کی گئی ہے۔
مزید پڑھیں:’روک سکو تو روک لو‘، ون ویلنگ کرتے نوجوان کا اسلام آباد پولیس کو چیلنج، ویڈیو وائرل
ترجمان اسلام آباد پولیس کے مطابق اسلام آباد پولیس منشیات کے خاتمہ کے لیے پرعزم ہے، رواں برس ابتک ملزمان سے 428 کلوگرام سے زائد ہیروئن، 30 کلو گرام سے زائد آئس، 258 نشہ آور گولیاں اور 11920 لیٹر شراب برآمدکی گئی ہے۔
شاہراہوں کو بطور ڈرائیونگ اسکول استعمال نہ کریں۔
روڈ ہمیشہ اُس وقت استعمال کریں جب آپ ڈرائیونگ کے تمام تقاضوں پہ پورا اترتے ہوں.#IslamabadPolice#ICTP #ITP #SCI#WeRIslamabadPolice pic.twitter.com/8cL5XUwTLY
— Islamabad Police (@ICT_Police) August 31, 2024
ڈی آئی جی ڈاکٹر سید مصطفیٰ تنویرکے مطابق ملزمان کو قرار واقعی سزا دلوانے کے لیے تمام قانونی تقاضے پورے کیے جائیں گے۔ منشیات کے ناسور کے خاتمے کے لیے منشیات فروشوں کے خلاف بھرپور کارروائیاں جاری رکھی جائیں گی۔
اسلام آباد میں دفعہ 144 نافذالعمل ہے، اسلام آباد پولیس
ترجمان اسلام آباد پولیس نے کہا ہے کہ ضلعی انتظامیہ کی اجازت کے بغیر کسی جلسہ جلوس کی ہرگز اجازت نہیں۔ عوام سے گزارش ہے کہ وہ ایسی کسی غیرقانونی سرگرمی کا حصہ نہ بنیں۔ اسلام آباد میں دفعہ 144 نافذ العمل ہے۔
اسلام آباد پولیس شہریوں کی جان و مال کے تحفظ کے لئے ہمہ وقت مصروف عمل ہے۔ شہری کسی بھی مشکوک سرگرمی کے متعلق پکار 15 پر اطلاع دیں۔
