انڈیا کے دارالحکومت دہلی میں ایک رکشہ ڈرائیور نے گرمی کا مقابلہ کرنے کے لیے رکشے کی چھت پر پودے لگا لیے جس کی ویڈیو سوشل میڈیا پر وائرل ہو گئی۔
گرمی سے پریشان بھارتی رکشہ ڈرائیور نے مسافروں کو ٹھنڈک اور راحت پہنچانے کے لیے رکشے کی چھت پر مختلف قسم کے تازہ پودے اگا لیے جس میں ٹماٹر، بھنڈی، توری، پالک اور کھیرا شامل ہیں۔
سائینسدان آف دی ڈۓ !
🤷♂️ pic.twitter.com/E6bbtuXfLE
— 『KINGMAKER』 (@restizwell) September 2, 2024
رکشہ ڈرائیور کا کہنا ہے کہ شدید گرم درجہ حرارت میں بھی یہ پودے رکشے کو ٹھنڈا رکھتے ہیں اور اب ان کا رکشہ بالکل اے سی کی طرح کا ہے، ان کا مزید کہنا تھا کہ مسافر اس رکشے سے اتنا خوش ہوتے ہیں کہ وہ اضافی پیسے دے کے جاتے ہیں۔
یہ منفرد رکشہ عوام کی توجہ کا مرکز بنا ہوا ہے اور شہری اس میں سوار ہوکر تصاویر اور ویڈیوز بناتے ہیں۔ ویڈیو سوشل میڈیا پر وائرل ہوئی تو صارفین کی جانب سے اس پر مختلف تبصرے کیے جا رہے ہیں۔
ایک صارف نے ویڈیو پر تبصرہ کرتے ہوئے کہا کہ ضرورت ایجاد کی ماں ہے۔
ضرورت ایجاد کی ماں ہے
— PakistaniPeeps (@pakistanipeeps) September 2, 2024
ایک ایکس صارف نے رکشہ ڈرائیور کو سراہتے ہوئے لکھا کہ ان کا یہ رکشے کی چھت پر پودے لگانے والا آئیڈیا بہت اچھا ہے۔
آئیڈیا برا نہیں ویسے
— Katta News 🐃2 کٹا نیوز🐃 (@lightbrownchoc) September 2, 2024
جہاں کئی صارفین رکشہ ڈرائیور کی ذہانت کو سراہتے نظر آئے وہیں چند صارفین کا کہنا تھا کہ یہ ویڈیو تازہ نہیں بلکہ 2 سال پرانی ہے۔
