سپریم کورٹ آف پاکستان نے نیب ترامیم کالعدم قرار دینے کے خلاف انٹرا کورٹ اپیلیں منظور کرلی ہیں، جس کے بعد نیب قوانین میں حکومتی ترامیم بحال ہوگئی ہیں۔ سپریم کورٹ نے فیصلے میں کہا گیا ہے کہ بانی پی ٹی آئی ثابت نہیں کرسکے کہ نیب ترامیم غیر آئینی ہیں۔
عدالت نے اپنے فیصلے میں کہا کہ سپریم کورٹ کو قانون سازی کو ہر ممکن صورت میں برقرار رکھنا چاہیے۔ سپریم کورٹ کے فیصلے کے بعد سوشل میڈیا پر صارفین کی جانب سے ردِعمل دیا جا رہا ہے۔
یہ بھی پڑھیں: نیب ترامیم بحال: سپریم کورٹ نے تحریری فیصلے میں کیا لکھا؟
وقار ملک لکھتے ہیں کہ سپریم کورٹ نے نیب ترامیم بحال کردی ہیں جس کے بعد عمران خان کے خلاف 190 ملین پاونڈ کیس ختم ہوجاتا ہے۔
سپریم کورٹ نے نیب ترامیم بحال کردیں جسکے بعد عمران خان کیخلاف 190 ملین پاونڈ کیس اس شق کی بنیاد پہ ختم ہوجاتا ہے خود پڑھ لیں pic.twitter.com/3vWgHZnPSY
— Waqar Malik (@RealWaqarMaliks) September 6, 2024
بیرسٹر گوہر کا کہنا ہے کہ سپریم کورٹ کے آج کے فیصلے کے بعد عمران خان پر نیب کیسز خود ہی ختم ہوجاتے ہیں اس لیے عمران خان کو رہا کیا جائے۔
عمران خان کو رہا کیا جائے،نیب ترامیم فیصلے کے بعد
خان صاحب پر نیب کیسز خود ہی ختم ہو چکے ہیں۔
بیرسٹر گوہر۔— Arslan Baloch (@balochi5252) September 6, 2024
پاکستان تحریک انصاف کے رہنما نعیم حیدر پنجوتھا کا کہنا ہے کہ سپریم کورٹ فیصلے کے بعد عمران خان کے خلاف القادر ٹرسٹ کیس اور توشہ خانہ ٹو کیسز کا مستقبل تاریک ہوگیا ہے کیونکہ بحال کی گئی نیب ترامیم کے مطابق کابینہ کے فیصلوں کو استثنیٰ ہے۔
رہنما پی ٹی آئی کا مزید کہنا تھا کہ القادر ٹرسٹ کیس اُسی کابینہ فیصلے کی بنیاد پر ہے جبکہ ترمیم کے مطابق نیب 50 کروڑ سے کم مالیت کی کرپشن پر نیب کا دائرہ اختیار نہیں اور عمران خان کے خلاف توشہ خانہ ٹو 7 کروڑ روپے کے الزام پر بنایا گیا ہے۔
سپریم کورٹ فیصلے کے بعد
عمران خان کے خلاف القادر ٹرسٹ کیس اور توشہ خانہ ٹو کیسز کا مستقبل تاریک ہو گیا
کیونکہ بحال کی گئی نیب ترامیم کے مطابق کابینہ کے فیصلوں کو استثنیٰ ہے
اور القادر ٹرسٹ کیس اُسی کابینہ فیصلے کی بنیاد پر ہے جبکہ ترمیم کے مطابق نیب 50 کروڑ سے کم مالیت کی…
— Naeem Haider Panjutha (@NaeemPanjuthaa) September 6, 2024
ن لیگ کے حامی صارف پرویز سندھیلا لکھتے ہیں کہ نیب ترامیم بحال کردی گئی ہیں، یہ پہلا کیس ہوگا جو ہارنے پر سابق وزیراعظم عمران خان خوش ہوں گے کیونکہ اس کا سب سے زیادہ فائدہ انہیں ہی ہوگا۔
نیب ترامیم بحال کردی گئیں، یہ پہلا کیس ہوگا جو ہارنے پر عمران خان خوش ہوگا کیوں کہ فائدہ تو اسے ہی ہوگا
— Pervaiz Sandhila (@chsandhilaa) September 6, 2024
پاکستان تحریک انصاف کی سینیئر رہنما مسرت چیمہ نے لکھا کہ پی ڈی ایم کے کرپٹ ٹولے نے اقتدار میں آتے ہی اپنی کرپشن بچانے کے لیے نیب ترامیم کیں، عمران خان چاہتے تو ان ترامیم سے فائدہ لے سکتے تھے اور اپنے کیسز معاف کروا سکتے تھے لیکن انہوں نے کبھی اپنی ذات کا نہیں سوچا بلکہ ان ترامیم کو چیلنج کیا۔
ان کا مزید کہنا تھا کہ آج بھی کوئی کرپشن کے خلاف جدوجہد کررہا ہے تو وہ عمران خان ہی ہیں لیکن بدقسمتی ہے کہ ان پر بوگس کیسز بناکر انہیں ناحق قید میں رکھا ہوا ہے۔
پی ڈی ایم کے کرپٹ ٹولے نے اقتدار میں آتے ہی اپنی کرپشن بچانے کے لئے نیب ترامیم کی. عمران خان چاہتے تو ان ترامیم سے فائدہ لے سکتے تھے اور اپنے کیسز معاف کروا سکتے تھے لیکن انہوں نے کبھی اپنی ذات کا نہیں سوچا بلکہ ان ترامیم کو چیلنج کیا. آج بھی کوئی کرپشن کے خلاف جدوجہد کر رہا ہے…
— Musarrat Cheema (@MusarratCheema) September 6, 2024
عامر خان لکھتے ہیں کہ نیب ترامیم کی بحالی کے بعد عمران خان کے کیسز پر واضح اثرات مرتب ہوں گے۔ سپریم کورٹ نے حکومتی اپیلیں منظور کرتے ہوئے 3 رکنی بینچ کا فیصلہ کالعدم قرار دیا اب عمران خان کو 190 ملین پاؤنڈز کے ریفرنس اور توشہ خانہ ٹو میں واضح ریلیف ملے گا۔
نیب ترامیم کے بحالی کے بعد عمران خان کے کیسز پر واضح اثرات مرتب ہوں گے ! سپریم کورٹ نے حکومتی اپیلیں منظور کرتے ہوئے 3 رکنی بینچ کا فیصلہ کالعدم قرار دیا ! اب عمران خان کو 190 ملین پاؤنڈز کے ریفرنس اور توشہ خانہ ٹو میں واضح ریلیف ملے گا ! لیکن بڑے بڑے چور اربوں روپے کھا جائیں گے۔ pic.twitter.com/9gjyLnnCjI
— Amir Khan (@iAmirKhann) September 6, 2024
واضح رہے کہ چیف جسٹس آف پاکستان جسٹس قاضی فائز عیسیٰ کی سربراہی میں جسٹس امین الدین، جسٹس جمال مندوخیل، جسٹس اطہر من اللہ اور جسٹس حسن اظہر رضوی پر مشتمل 5 رکنی لارجر بینچ نے اس مقدمے کا فیصلہ رواں برس 6 جون کو محفوظ کیا تھا، جو آج سنایا گیا ہے۔
نیب ترامیم کیس کا فیصلہ کیا تھا؟
بانی پی ٹی آئی عمران خان کی جانب سے 2022 میں اس وقت کے وزیراعظم شہباز شریف کی زیر قیادت سابق اتحادی حکومت کی متعارف کردہ نیب ترامیم کو چیلنج کیا گیا تھا، جس کی سماعت سابق چیف جسٹس عمر عطا بندیال کی سربراہی میں سپریم کورٹ کے بینچ نے کی تھی۔
نیب ترامیم کیس کا فیصلہ 15 ستمبر 2023 کو سابق چیف جسٹس عمر عطا بندیال نے اپنے عہدے سے سبکدوش ہونے سے قبل جاری کیا تھا، جس میں عدالت نے بے نامی کی تعریف، آمدن سے زائد اثاثوں اور بار ثبوت استغاثہ پر منتقل کرنے کی نیب ترمیم کالعدم قرار دے دی تھی۔ اکثریتی فیصلے میں عدالت نے قرار دیا تھا کہ عوامی عہدوں پر بیٹھے تمام افراد کے مقدمات بحال کیے جاتے ہیں۔
یہ بھی پڑھیں: نیب ترامیم بحال، سپریم کورٹ نے وفاقی حکومت کی اپیل منظور کرلی
عدالت نے 50 کروڑ روپے کی حد سے کم ہونے پر ختم ہونے والے تمام مقدمات بھی بحال کرکے انہیں احتساب عدالت میں بھیجنے کا حکم دیا تھا۔ عدالت نے نیب کو 7 دن میں تمام ریکارڈ متعلقہ عدالتوں بھیجنے کا حکم جاری کیا تھا۔
پی ڈی ایم حکومت کے دوران نیب کے قانون میں 27 ترامیم کی گئی تھیں۔ نیب ترمیمی بل 2022 کے تحت بہت سے معاملات کو نیب کے دائرہ اختیار سے نکال دیا گیا تھا اور یہ بھی کہا گیا تھا کہ نیب ترمیمی بل 2022 کے تحت نیب 50 کروڑ روپے سے کم کے کرپشن کیسز کی تحقیقات نہیں کرسکے گا۔
