وزیراعظم پاکستان شہباز شریف سینیئر سیاستدان و سابق وفاقی وزیر چوہدری نثار علی خان کے گھر پہنچ گئے۔
شہباز شریف نے چوہدری نثار سے ان کی ہمشیرہ کے انتقال پر تعزیت کا اظہار کیا اور فاتحہ خوانی بھی کی۔
وزیراعظم نے اپنے تعزیتی کلمات میں کہاکہ دعا ہے اللہ تعالیٰ مرحومہ کے درجات بلند کرے اور لواحقین کو صبر جمیل عطا کرے، دکھ کی اس گھڑی میں ہم لواحقین کے دکھ درد میں برابر کے شریک ہیں۔
اس موقع پر وفاقی وزیر اطلاعات و نشریات عطااللہ تارڑ بھی وزیراعظم کے ہمراہ موجود تھے۔
واضح رہے کہ چوہدری نثار علی خان کا شمار شہباز شریف کے قریبی دوستوں میں ہوتا ہے، چوہدری نثار مسلم لیگ ن سے راہیں جدا کرچکے ہیں، لیکن دونوں رہنماؤں کے درمیان دوستی کا رشتہ اب تک قائم ہے۔
