لانگ رینج شوٹنگ چیمپیئن شپ 2024 کا انعقاد 3 سے 8 ستمبر تک برطانیہ کے لیجنڈری بسلی رینجز میں منقعد ہوا جس میں پاکستان نے 3 سونے، 4 چاندی اور 4 کانسی کے میڈل جیت کر پاکستان کا نام روشن کردیا۔
شوٹنگ چیمپیئن شپ میں 18 ممالک کے تقریباً 160 عالمی معیار کے نشانہ بازوں نے حصہ لیا جن میں پاکستان کی جانب سے 18 نشانے بازوں کے دستے نے پاکستان کی نمائندگی کی۔
مختلف چیلنجز اور پیشہ وارانہ صلاحیتوں سے لیس پاکستانی ٹیم نے شاندار کارکردگی سے قوم کا سر فخر سے بلند کیا۔
گولڈ میڈل جیتنے والوں میں جنید خٹک اور احمد جاوید شامل تھے جبکہ ایف ٹی آر کیٹیگری میں پاکستانی ٹیم نے انفرادی تمغوں کے متعدد انعام جیتے۔
پاکستان نے چیمپیئن شپ کے مجموعی ٹاپ 10 میں 3 پوزیشنز حاصل کرتے ہوئے ٹاپ انفرادی شوٹرز میں بھی نمایاں کارکردگی دکھائی۔
