کراچی کے علاقے لانڈھی میں واقع ایک مکان سے خاتون کی تشدد زدہ لاش ملی ہے، ریسکیو ذرائع کے مطابق ابتدائی طور پر یہ گھریلو تشدد کے بعد خودکشی کا کیس لگتا ہے۔
لانڈھی میں شیر پاؤ کالونی کے ایک گھر سے ملنے والی پھندہ لگی خاتون کی لاش کی شناخت فاطمہ کے نام سے ہوئی ہے، 2 بچوں کی ماں کا تعلق صوابی سے تھا۔
یہ بھی پڑھیں: کراچی: ملازم کے ہاتھوں قتل ماں اور بیٹے کی لاشیں کنویں سے برآمد
پولیس حکام کے مطابق خاتون کی لاش پر تشدد کے واضح نشانات ہیں، ابتدائی تفتیش کے بعد شوہر کو حراست میں لے لیا گیا ہے، پولیس حراست میں خاتون کے شوہر کا موقف تھا کہ گزشتہ روز گھر میں جھگڑے کے بعد اس کی بیوی نے خودکشی کرلی۔
پولیس نے خاتون کی لاش پوسٹ مارٹم کے لیے اسپتال منتقل کردی ہے، پوسٹ مارٹم کے بعد ہی تحقیقات میں پیش رفت متوقع ہے۔