بالی ووڈ اداکارہ و ڈانسر ملائکہ اروڑا کے سوتیلے والد انیل مہتا کی آخری رسومات ادا کردی گئیں۔ اس موقع پر ملائکہ کی والدہ جوائس پولی کارپ شدتِ غم سے نڈھال اور روتی ہوئی نظر آئیں جبکہ ملائکہ صدمے میں خاموش تھیں۔
انیل مہتا کی آخری رسومات میں شرکت کے لیے بالی ووڈ کی نامور شخصیات بھی پہنچیں جن میں سیف علی خان، کرشمہ کپور، کرینہ کپور، سہیل خان، فرح خان، ساجد خان، گوہر خان، ارشد وارثی اور گرو رندھاوا سمیت دیگر فنکار شامل تھے۔
View this post on Instagram
ان کے علاوہ ملائکہ اروڑا کے سابق شوہر ارباز خان بھی اپنی دوسری بیوی شوریٰ خان کے ہمراہ انیل مہتا کی آخری رسومات میں شرکت کے لیے پہنچے۔
View this post on Instagram
ارجن کپور خودکشی کی خبر ملنے کے بعد سے لے کر آخری رسومات میں بھی پیش پیش نظر آئے اور ملائکہ کے سائے کی طرح ان کے ساتھ نظر آئے لیکن سوشل میڈیا صارفین کی جانب سے ارجن کپور سے بھی ہمدردی کا اظہار کیا جارہا ہے کیونکہ ملائکہ سے ان کا رشتہ حال ہی میں ختم ہوا ہے۔
View this post on Instagram
بالی ووڈ اسٹار سلمان خان بھی 12 ستمبر کی رات اپنے باڈی گارڈز اور سیکیورٹی کے ساتھ ملائکہ اروڑا کے گھر پہنچے، اگرچہ ارباز خان سے طلاق کے بعد سے سلمان خان کبھی ملائکہ اروڑا کے ساتھ نظر نہیں آئے لیکن اداکارہ کے غم میں ان کے ساتھ کھڑے ہونے کا ثبوت دیا۔
View this post on Instagram
بھارتی میڈیا کے مطابق انیل مہتا کی پوسٹ مارٹم رپورٹ میں انکشاف ہوا ہے کہ اُن کی موت اونچائی سے چھلانگ لگانے کے باعث جسم پر لگنے والی چوٹوں اور متعدد زخموں کی وجہ سے ہوئی جوکہ خودکشی کے زمرے میں ہی آتی ہے۔
ملائکہ اروڑا کے سوتیلے والد انیل مہتا نے 11 ستمبر کی صبح اپنے اپارٹمنٹ کی چھت سے چھلانگ کر خودکشی کی تھی۔
