’ڈومیسٹک کرکٹ: دوستی یاری میں امپائر سے بچ جاتے ہیں‘، فہیم اشرف کے بیان نے نیا پنڈورا باکس کھول دیا

پاکستان کرکٹ ٹیم کے آل راؤنڈر فہیم اشرف کا ایک ویڈیو کلپ سوشل میڈیا پر وائرل ہو رہا ہے جس میں ان کا کہنا تھا کہ ہماری امپائرنگ کیسی ہو رہی ہے، یہ سب کے سامنے آ گیا ہے، ایک ہی امپائر ہے جو اچھی اور بری دونوں طرح کی امپائرنگ کرتا ہے اس لیے پینل کو دیکھنا چاہیے کہ کس امپائر کو کدھر رکھنا ہے کیونکہ امپائر کے کیے گئے فیصلے سب کے سامنے ہیں۔

فہیم اشرف نے الزامات لگاتے ہوئے کہا کہ ڈومیسٹک کرکٹ میں دوستی یاری کی بنیاد پر امپائر کے فیصلوں سے بچ جاتے ہیں لیکن نیشنل کرکٹ میں کوئی دوستی یاری نہیں ہے، اسکرین پر سب کے سامنے سب کچھ آ جاتا ہے اور ساری دنیا دیکھ رہی ہوتی ہے۔

"Domestic Main Bhi Umpiring Aisi He Hoti Hai, Dosti Yaari Mai Hum Bach Jatay Hain," Faheem Ashraf #TOKReports #FaheemAshraf #ChampionsCup pic.twitter.com/WNNvwbnIhN

— Times of Karachi (@TOKCityOfLights) September 18, 2024

فہیم اشرف کے اس بیان کو سوشل میڈیا پر تنقید کا نشانہ بنایا جا رہا ہے۔ ایک صارف نے سوال اٹھایا کہ اگر یہی بیان عمر اکمل، احمد شہزاد یا کراچی کے کسی کرکٹر نے دیا ہوتا تو کرکٹ بورڈ کیا کرتا۔

صرف سوچیں یہ بیان عمر اکمل / احمد شہزاد یا کراچی کے کسی کرکٹر نے دیا ہوتا تو کرکٹ بورڈ کیا کرتا pic.twitter.com/nfVmeW7TvL

— Shoaib Jatt (@Shoaib_Jatt) September 19, 2024

سلیم خالق لکھتے ہیں کہ اگر فہیم اشرف کو امپائرنگ پر اتنے اعتراضات تھے تو کیا کبھی انھوں نے پی سی بی سے کوئی شکایت کی؟ اگر ایسے ہی کرکٹرز تنقید کرتے رہے تو پاکستان کرکٹ میں ڈسپلن نام کی کوئی چیز باقی نہیں رہے گی۔ انہوں نے مزید کہا کہ فہیم اشرف نے ایک اوسط درجے کا کرکٹر ہونے کے باوجود اتنے انٹرنیشنل میچز کھیلے یہ بھی کمال ہے۔

اگر فہیم اشرف کو امپائرنگ پر اتنے اعتراضات تھے تو کیا کبھی انھوں نے پی سی بی سے کوئی شکایت کی؟ اگر ایسے ہی کرکٹرز تنقید کرتے رہے تو پاکستان کرکٹ میں ڈسپلن نام کی کوئی چیز باقی نہیں رہے گی،فہیم ایک اوسط درجے کے کرکٹر ہونے کے باوجود اتنے انٹرنیشنل میچز کھیل گئے،یہ بھی کمال ہے ویسے https://t.co/4jEklcFvce

— Saleem Khaliq (@saleemkhaliq) September 19, 2024

ایک صارف نے لکھا کہ فہیم اشرف ٹھیک کہہ رہے ہیں کہ اس ٹورنامنٹ میں امپائرنگ اوسط سے کم رہی ہے، احمد شہزاد اورعمر اکمل کا بھی ایسا کہنا درست ہوگا کیونکہ ہم بری امپائرنگ کو واضح طور پر دیکھ سکتے ہیں۔ یہاں تک کہ امام الحق اور شاداب خان نے بھی اپنے خدشات کا اظہار کیا تھا۔

Faheem Ashraf is saying right that umpiring in this tournament has been below average. And it is not what certain players say. Even Ahmed and Umar saying such a thing would also be right bcz we can clearly see bad umpiring. Imam, Shadab also raised their concerns

— Sports syncs (@moiz_sports) September 19, 2024

سید ابرار حسین نے کہا کہ پی سی بی امپائرنگ ڈیپارٹمنٹ میں بہت خرابیاں ہیں جس کو صحافی نہیں جانتے اس لیے وہ آواز نہیں اٹھاتے۔ ان کا کہنا تھا کہ کیسے کیسے امپائرز کو راتوں رات پروموٹ کیا جاتا ہے اس کی بھیانک کہانیاں ہیں۔

پی سی بی امپائرنگ ڈیپارٹمنٹ میں بہت خرابیاں ہیں ۔ میں نے پچھلے دو سال اپر کافی لکھا ہے مگر یہ ڈیپارٹمنٹ ٹس سے مس نہیں ہوا ۔ کیونکہ یہ ٹیکنیکل مسئلہ ہے جرنلسٹ اس بارے جانتے نہیں ہیں وہ آواز نہیں اٹھاتے ۔ یہاں کیسے کیسے امپائرز کو راتوں رات پروموٹ کیا جاتا ہے ۔ بھیانک کہانیاں ہیں

— Syed Ibrar Hussain shah🇵🇰 (@SyedIbr57520823) September 19, 2024

ایک ایکس صارف نے کہا کہ امپائرز کے فیصلوں پر فہیم اشرف بالکل سچ بول رہے ہیں۔