سابق وزیراعظم پاکستان و بانی پاکستان تحریک انصاف (پی ٹی آئی) عمران خان نے ایک بار پھر چیف جسٹس قاضی فائز عیسیٰ پر عدم اعتماد کا اظہار کرتے ہوئے پریکٹس اینڈ پروسیجر کمیٹی میں چیف جسٹس کے خلاف درخواست دے دی۔
مزید پڑھیں: عمران خان نے قاضی فائز عیسیٰ کیخلاف درخواست دائر کردی، چیف جسٹس سے انصاف کی امید نہیں، مؤقف
درخواست میں کہا گیا ہے کہ چیف جسٹس قاضی فائز عیسیٰ پاکستان تحریک انصاف اور بانی پی ٹی آئی عمران خان کے خلاف جانبدار ہیں لہٰذا چیف جسٹس سے استدعا ہے کہ عمران خان اور پی ٹی آئی سے متعلقہ کسی بھی کیس کا حصہ نہ بنیں۔
Recusal Application Commete Members Supreme Court by Fahim Patel on Scribd
درخواست میں یہ بھی کہا گیا ہے کہ چیف جسٹس قاضی فائز عیسیٰ ابھی تک اپنے خلاف دائر ریفرنس کو ذاتی حملہ تصور کرتے ہیں اور ان کی اہلیہ متعدد مواقع پر عمران خان کے خلاف بیانات دے چکی ہیں۔
مزید پڑھیں: چیف جسٹس میرے مقدمات سننے والے بینچ میں شامل نہ ہوں، عمران خان کی ججز کمیٹی میں درخواست دائر
واضح رہے کہ اس سے قبل 25 جولائی کو بھی عمران خان نے 3 رکنی کمیٹی سے استدعا کی تھی کہ چیف جسٹس قاضی فائز عیسیٰ کو ان کے، ان کی اہلیہ، ان کے خاندان، پاکستان تحریک انصاف یا سنی اتحاد کونسل کے مقدمات کو سننے والے بینچز میں شامل نہ کیا جائے۔ تاہم سپریم کورٹ نے بانی پی ٹی آئی کی پہلی درخواست واپس بھجوا دی تھی۔