چیئرمین تحریکِ انصاف عمران خان انتخابی ٹکٹوں کی تقسیم کے لیے پنجاب بھر سے ممکنہ پارٹی امیدواروں کے آج سے انٹرویوز شروع کرنے کا فیصلہ کیا ہے۔
پہلے روز پی پی 1 سے پی پی 50 تک صوبائی اسمبلی کے امیدواروں کو انٹرویوز کے لیے زمان پارک طلب کرلیا گیا ہے۔
عمران خان براہِ را ست راولپنڈی، اٹک، بھکر، چکوال، جہلم، خوشاب اور دیگر اضلاع کے صوبائی حلقوں کے امیدواروں کو انٹرویو کریں گے ۔
تحریک انصاف کے ترجمان کے مطابق عمران خان براہِ راست تمام امیدواروں کی اہلیت کا خود جائزہ لیں گے اور حتمی فیصلہ میں پارٹی اور کارکنوں کے رد عمل کو بھی ملحوظِ خاطر رکھا جائے گا۔
پارٹی پنجاب کی صوبائی اسمبلی کے تمام حلقوں کے لیے منتخب کیے گئے امیدواروں سے قیادت کو پہلے ہی آگاہ کرچکی ہے۔
پارٹی ترجمان کے مطابق تمام اضلاع کے انٹرویوز کا سلسلہ مکمل ہوتے ہی ٹکٹوں کاحتمی اعلان بھی کردیاجائے گا۔
