معروف ٹک ٹاکر حریم شاہ نے بانی چیئرمین تحریک انصاف عمران خان کے آکسفورڈ یونیورسٹی کے چانسلر بننے کے حوالے سے دعویٰ کیا ہے کہ عمران خان نہیں چاہتے کہ وہ آکسفورڈ یونیورسٹی کے چانلسر بنیں لیکن ان کی شہرت کی وجہ سے یونیورسٹی نے خود ان کو اس عہدے کے لیے منتخب کیا ہے۔
یہ بھی پڑھیں: عمران خان آکسفورڈ یونیورسٹی کے چانسلر کیوں نہیں بن سکتے؟
نجی ٹی وی سے گفتگو کرتے ہوئے ٹک ٹاکر حریم شاہ نے افسوس کا اظہار کرتے ہوئے کہا کہ وہ ڈاکٹر نہیں بن سکیں، انہوں نے کہا کہ وہ کوشش کریں گی کہ وہ پی ایچ ڈی کریں، کیوںکہ جب آپ پی ایچ ڈی کرلیتے ہیں تو آپ کے نام کے ساتھ ڈاکٹر لگ جاتا ہے۔
حریم شاہ نے کہا کہ آکسفورڈ سے بینظیر بھٹو اور عمران خان جیسے بہادر لیڈروں نے پڑھا ہے، میری بھی خواہش ہے کہ میں آکسفورڈ یونیورسٹی میں جاؤں۔
یہ بھی پڑھیں: آکسفورڈ یونین کے نومنتخب صدر کی وزیراعظم شہباز شریف کو یونین سے خطاب کی دعوت
انہوں نے کہا کہ عمران خان آکسفورڈ یونیورسٹی سے بڑا نام ہے، اس لیے عمران خان کو آکسفورڈ یونیورسٹی نے خود چانسلر کے عہدے کے لیے منتخب کیا ہے۔
واضح رہے کہ آکسفورڈ یونیورسٹی چانسلر کے عہدے کے لیے امیدواروں کا اعلان آئندہ مہینے (اکتوبر) کے آغاز میں کرے گی جبکہ چانسلر کے انتخابات 28 اکتوبر کو ہوں گے۔
یہ بھی پڑھیں: حریم شاہ کا سیاست میں حصہ لینے کا اعلان
مذکورہ یونیورسٹی کے چانسلر کے انتخابات میں 2 لاکھ 50 ہزار سابق طلبا اور سابق عملہ آن لائن ووٹنگ میں حصہ لے گا، یہاں یہ بات بھی قابل ذکر ہے کہ آکسفورڈ یونیورسٹی کے نئے چانسلر کی مدتِ ملازمت 10 سال ہوگی۔
