وفاقی وزیر برائے توانائی اویس لغاری نے کہا کہ ہے حکومت 2 ہزار ارب روپے ٹیکس کے ہدف کو حاصل کرنے کے لیے ہر ممکن کوشش کرے گی، آئندہ 18 ماہ میں بجلی کی قیمت میں 10 سے 12 روپے فی یونٹ کمی متوقع ہے۔
یہ بھی پڑھیں: ریلیف ختم، اکتوبر سے 200 یونٹ استعمال کرنے والے صارفین بھی مہنگی بجلی استعمال کریں گے
انسٹی ٹیوٹ آف بزنس ایڈمنسٹریشن (آئی بی اے) میں منعقدہ پاور ریفارمز گول میز کانفرنس میں شرکت کے بعد صحافیوں سے گفتگو کرتے ہوئے وزیر توانائی اویس لغاری نے سی پیک قرضوں کی ری پروفائلنگ، آئی پی پی کے معاہدوں پر نظرثانی، ٹرانسمیشن کی رکاوٹوں کو دور کرنے، تقسیم کار کمپنیوں کی کارکردگی کو بہتر بنانے اور ٹیکس نیٹ کو وسیع کرنے کو بجلی کی قیمتوں میں کمی کے لیے کلیدی اصلاحات کے طور پر اجاگر کیا۔
اویس لغاری نے کہا کہ اگر ضرورت پڑی تو انڈیپنڈنٹ پاور پروڈیوسرز (آئی پی پیز) کا فرانزک آڈٹ کیا جائے گا اور امید ظاہر کی کہ اس کی ضرورت نہیں پڑے گی۔
یہ بھی پڑھیں: آئی ایم ایف کی وارننگز کے باوجود حکومت کا بجلی بلز میں 487 ارب روپے کی سبسڈی دینے کا منصوبہ
قبل ازیں اپنے خطاب میں وفاقی وزیر نے کہا کہ بجلی کی تقسیم کرنے والے 10 میں سے 7 اداروں کی بہت جلد نجکاری کر دی جائے گی۔ انہوں نے بتایا کہ زیادہ آمدنی والے گروپ سولر نیٹ میٹرنگ سے مستفید ہوتے ہیں۔
وزیر نے کہا کہ پاکستان خطے میں سب سے صاف توانائی پیدا کرنے والا ملک ہیں اور تمام پاکستانیوں کو اس پر فخر ہونا چاہیے۔
اویس لغاری نے کہا کہ حکومت بجلی قیمت میں کمی لانے کے کوشاں ہے، آئندہ 18 ماہ میں بجلی کی قیمت میں 12 روپے تک کمی ہوسکتی ہے۔
