حکومت پاکستان کی خصوصی دعوت پر معروف اسکالر اور مبلغ اسلام ڈاکٹر ذاکر نائیک اسلام آباد پہنچ گئے ہیں، جہاں ایئرپورٹ پر موجود مسافروں سمیت حکومتی اہلکاروں نے ان کا خیر مقدم کیا۔
اسلام آباد ایئرپورٹ پہنچنے پر وزیراعظم یوتھ پروگرام کے سربراہ رانا مشہود اور سیکریٹری مذہبی امورڈاکٹر عطاالرحمان نے ڈاکٹر ذاکر نائیک کا گرمجوشی سے استقبال کیا، ڈاکٹر ذاکر نائیک اہم ملکی شخصیات سے ملاقاتوں کے علاوہ کراچی، لاہور اور اسلام آباد میں مختلف تقاریب سے خطاب کریں گے۔
ڈاکٹر ذاکر نائک اسلام آباد پہنچ گئے pic.twitter.com/2nA2BFPtqA
— Muqadas Farooq Awan (@muqadasawann) September 30, 2024
ملائیشیا میں مقیم معروف بھارتی نژاد اسلامی اسکالر ڈاکٹرذاکرنائیک نے شیخ فارق نائیک کے ہمراہ اپنے دورہ پاکستان کا اعلان کیا تھا۔ ان کے آفیشل ایکس اکاؤنٹ پر جاری شیڈول کے مطابق ڈاکٹر ذاکر نائیک 5 سے 6 اکتوبر کو کراچی، 12 سے 13 اکتوبر لاہور جبکہ 19 اور 20 اکتوبر کو اسلام آباد میں مختلف اجتماعات سے خطاب کریں گے۔
یہ بھی پڑھیں:مذہبی اسکالر ڈاکٹر ذاکر نائیک کا اگلے ماہ دورہِ پاکستان کا اعلان
سوشل میڈیا پوسٹ میں بتایا گیا کہ ڈاکٹرذاکر نائیک کے خطبات مذہبی ٹی وی چینل پیس ٹی وی سے براہ راست نشر بھی کیے جائیں گے۔ انہوں نے اپنے اجتماع کا ٹائٹل ’پیس ٹاکس‘ لکھا ہے، انہوں نے 2020 میں بھی پاکستان کے دورے کا اعلان کیا تھا، تاہم کورونا وبا کی وجہ سے انہیں اپنا پروگرام ملتوی کرنا پڑا تھا۔
Dr Zakir Naik & Shaikh Fariq Naik’s Pakistan Tour 2024 pic.twitter.com/QlGCrJnJDL
— Dr Zakir Naik (@drzakiranaik) September 27, 2024
ڈاکٹر ذاکر نائیک نے اپنے ایک حالیہ آن لائن پروگرام میں گفتگو کرتے ہوئے کہا تھا کہ انہیں پاکستان کے مختلف شہروں کی امعات اور سے بہت سی درخواستیں اور دعوتیں موصول ہوئی ہیں، لیکن وقت کی کمی کے باعث سب کو قبول کرنا ممکن نہیں۔
مزید پڑھیں: دورہ پاکستان: معروف عالمِ دین ڈاکٹر ذاکر نائیک کب کس شہر میں لیکچر دیں گے؟
’ہم ان میں سے کچھ اہم جامعات کا انتخاب کریں گے۔ ایک یونیورسٹی کو ہم منتخب کرچکے ہیں جو نیشنل یونیورسٹی آف سائنس اینڈ ٹیکنالوجی (نسٹ) اسلام آباد ہے۔‘ واضح رہے کہ ڈاکٹر ذاکر نائیک اسلام آباد کے جناح اسپورٹس کمپلیکس میں 19 اکتوبر کو ایک اجتماع سے بھی خطاب کریں گے۔
ڈاکٹر ذاکر نائیک کے مطابق انہیں پچھلی کئی دہائیوں میں سب سے زیادہ دعوت نامے پاکستان سے موصول ہوئے تھے۔ ’بالآخر یہ میرا پاکستان کا پہلا آفیشل دورہ ہے۔ اس سے پہلے 1991 میں ڈاکٹر اسرار احمد سے ملنے پاکستان گیا تھا۔ پاکستان آنا میرا دیرینہ خواب تھا۔‘
