اسرائیلی فوج نے ایران کی جانب سے کیے گئے میزائل حملوں کے دوران اس بات کی تصدیق کردی ہے کہ ایرانی میزائل اسرائیل کے فضائی اڈوں پر گرے۔
اسرائیلی میڈیا کے مطابق اسرائیلی فوج نے اپنے ایک بیان میں ایرانی میزائل فضائی اڈوں پر گرنے کی تصدیق کی ہے۔
یہ بھی پڑھیں ڈنمارک میں اسرائیلی سفارت خانے کے قریب دھماکے، 3 مشتبہ افراد گرفتار
اسرائیلی فوج کا کہنا ہے کہ ایران کی جانب سے داغے گئے میزائلوں کی وجہ سے فضائی اڈوں کی انتظامی عمارتوں اور جہازوں کی مرمت والی جگہ کو نقصان پہنچا۔
اسرائیلی فوج کے مطابق ایران کے حملے کے دوران کسی بھی جہاز کو نقصان نہیں پہنچا۔
دوسری جانب اسرائیلی حکام کا کہنا ہے کہ ایران کی جانب سے فائر کیے گئے میزائلوں کو امریکا کی مدد سے ناکام بنایا، اور اس دوران کوئی جانی نقصان نہیں ہوا۔
ادھر ایران کے صدر مسعود پزشکیان نے اپنے ایک بیان میں کہاکہ اسرائیل کو فیصلہ کن جواب دیا گیا ہے، جبکہ ایرانی سپریم لیڈر آیت اللہ خامنہ ای نے کہا ہے کہ اب ہم اس سے بھی بڑا حملہ کریں گے۔
یہ بھی پڑھیں اسرائیل پر میزائل حملے، امریکا کی ایران کو سنگین نتائج کی دھمکی
واضح رہے کہ گزشتہ روز ایران کی جانب سے اسرائیل پر سیکڑوں میزائل داغے گئے تھے جس کے باعث اسرائیل نے اپنے شہریوں کو بینکرز میں جانے کی ہدایت کردی تھی، اور میڈیا میں متعدد افراد کے زخمی ہونے کی اطلاعات سامنے آئی تھیں۔
