2کتوں کی ایک ایسی ویڈیو وائرل ہو رہی ہے جس میں ایک کتا اپنے دوسرے دوست کو ویڈیو کال میں دیکھ کر خوشی کا اظہار کرنے لگتا ہے۔
سماجی رابطے کی ویب سائٹ انسٹا گرام پر’رولواینڈ سیڈی‘ نامی اکاؤنٹ سے 2کتوں کی ایک ویڈیو پوسٹ کی گئی۔ جس کے کیپشن میں لکھا تھا کہ’جب آپ واقعی ہی اپنے بہترین دوست کو یاد کرتے ہیں‘
کتوں کی وائرل ہونے والی اس ویڈیو میں دونوں کتے ویڈیو کال کے ذریعے جب ایک دوسرے کو دیکھتے ہیں تو ویڈیو میں موجود کالے رنگ کا کتا اپنے دوست سفید، سیاہ رنگ کے حامل کو اسکرین پر دیکھ کر منہ سے آوازیں نکالنے لگ جاتا ہے۔
اسی دوران لیپ ٹاپ پرویڈیو کال کی اسکرین میں موجود دوسرا کتا پہلے غور سے سنتا رہتا ہے۔
پھر چند سیکنڈ بعد منہ اوپر کر کے اتنی لمبی آواز نکالتا ہے کہ کالے رنگ کا کتا منہ ٹیڑھا کرکے اسے ایسے عجیب نظروں سے دیکھتا ہے کہ جیسے وہ یہ پوچھنے کی کوشش کر رہا ہو کہ تمہیں کیا ہو گیا؟ یہ اتنی لمبی آواز نکالنا کیوں شروع ہو گئے ہو؟
View this post on Instagram
ایک انسٹا گرام صارف نے ویڈیو دیکھنے کے بعد لکھا کہ’ان دونوں کتوں کو ابھی ایک دوسرے سے ملوا دیں‘
ویڈیو کو انسٹا گرام پر ہزاروں لوگ دیکھ چکے ہیں۔
