7اکتوبر سے انگلینڈ اور پاکستان کے درمیان شروع ہونے والی ٹیسٹ کرکٹ سیریز سے قبل سابق انگلش کپتان و آلراؤنڈر ناصرحسین نے اپنی قومی ٹیم کو خبردار کرتے ہوئے کہا کہ پاکستان کو آسان حریف سمجھنے کی غلطی نہیں کریں، پاکستان ٹیم کی حالیہ کارکردگی اچھی نہیں لیکن یہ کہنا حماقت ہوگی کہ انگلینڈ پاکستان کو ٹیسٹ سیریز میں آسانی سے ہرا دے گا۔
“Pakistan are always a mercurial side”
Nasser Hussain on England’s Test series against Pakistan🇵🇰 🏴 pic.twitter.com/xBCoyTgW4E
— Sky Sports Cricket (@SkyCricket) October 4, 2024
سابق انگلش کپتان کا کہنا تھا کہ پاکستان بہترین کرکٹ نیشن ہے وہاں کرکٹ کا جنون ہے اور فینز بھی ٹیم کو ہمیشہ اچھا کھیلتا دیکھنا چاہتے ہیں۔ نئے کپتان اور نئے کوچ ہیں، سب کی نظریں پاکستان پر ہوں گی کہ وہ کس طرح اپنی ٹیم کو اٹھاتے ہیں۔
مزید پڑھیں: پاک-انگلینڈ ٹیسٹ سیریز کے لیے پی سی بی نے کمنٹری پینل کا اعلان کردیا
انہوں نے کہا کہ پاکستان کی حالیہ کارکردگی اتنی اچھی نہیں ہے، اور اب تک پاکستان نے اپنے ملک میں9 ٹیسٹ کھیلے ہیں، جن میں سے صرف 2 ہی جیت سکی ہے اور 5 ٹیسٹ ہار چکی ہے۔
سابق کپتان کا کہنا تھا کہ پاکستان ٹیم کی کارکردگی میں ہمیشہ سے تسلسل دکھائی نہیں دیتا۔ اس وقت تو وہ اپنی کم ترین سطح پر ہیں، چاہے آپ کسی بھی فارمیٹ کی بات کریں، ورلڈ کپ میں بھی ان کی کارکردگی اچھی نہیں تھی۔
خیال رہے پاکستان اور انگلینڈ کے درمیان 3 ٹیسٹ میچوں کی سیریز کا پہلا ٹیسٹ ملتان میں پیر 7اکتوبر سے شروع ہوگا۔
دوسرا ٹیسٹ میچ بھی ملتان میں ہی 15اکتوبر سے کھیلا جائے گا جبکہ تیسرا اور آخری ٹیسٹ 24 اکتوبر سے راولپنڈی میں کھیلا جائے گا۔
