کراچی کے جناح انٹرنیشنل ایئرپورٹ کے باہر سگنل کے قریب بم دھماکے سے کچھ دیر پہلے کی ایک اہم ویڈیو حاصل کرلی گئی۔
تفتیشی حکام نے حملہ آور کے ساتھی کی تفصیلات بھی حاصل کرلیں ہیں اور حملہ آور کے ایک رشتہ دار کو بھی ملیرسےحراست میں لے لیا گیا ہے۔
یہ بھی پڑھیں: کراچی میں چینی باشندوں پر حملہ، خودکش بمبار سے متعلق اہم تفصیلات سامنے آگئیں
یاد رہے کہ کراچی کے جناح انٹرنیشنل ایئرپورٹ کے باہر سگنل کے قریب بم دھماکے میں 3 چینیوں سمیت 4 افراد ہلاک اور 17افراد زخمی ہوئے تھے۔
تفتیشی ذرائع کا کہنا ہے کہ حملہ آورنے حملے کے روزدن 12 بجے ہوٹل کا کمرہ چھوڑا اور وہاں سے ملیر اپنے رشتہ دار کے گھر گیا۔ انہوں ے مزید بتایا کہ رات کے وقت گاڑی لے کر حملہ آور ماڈل کالونی سے ہوتا ہوا حملے کے مقام پر پہنچا تھا۔
حملہ آور گزشتہ سال 3 دسمبر کو بھی صدرریگل چوک کے قریب ہوٹل میں رکا تھا۔
مزید پڑھیے: کراچی: جناح ایئرپورٹ کے قریب دھماکا، 3 غیرملکیوں سمیت 4 افراد ہلاک، 17 زخمی
تفتیشی ذرائع کا کہنا ہے کہ گزشتہ سال ہوٹل میں حملہ آور سے اس کا دوست ملنے آیا تھا اور دونوں نے کمرے میں تقریباً 4 گھنٹے قیام کیا اور پھر چیک آؤٹ کیا۔
