اسلام آباد پولیس نے بلوچستان نیشنل پارٹی (بی این پی) مینگل کے سربراہ اختر مینگل کے الزامات پر وضاحتی بیان جاری کرتے ہوئے کہا پارلیمنٹ لاجز میں کوئی چھاپہ نہیں مارا گیا بلکہ یہ معمول کا سیکیورٹی آڈٹ تھا۔
اسلام آباد پولیس کے آفیشل ’ایکس‘ اکاؤنٹ پر کی گئی ایک پوسٹ میں کہا گیا ہے کہ شنگھائی تعاون تنظیم (ایس سی او) اجلاس کے حوالے سے سیکیورٹی آڈٹ چل رہا ہے اور متعدد وفود تاحال اسلام آباد میں موجود ہیں۔
یہ بھی پڑھیں: میری رہائشگاہ پر چھاپہ اور پارٹی سینیٹر کو اغوا کرلیا گیا، اختر مینگل کا الزام
اسلام آباد پولیس کہنا تھا کہ اسی ضمن میں پولیس سیکیورٹی کو ہائی الرٹ رکھتے ہوئے کسی بھی قسم کے سیکیورٹی خدشات کو دور کرتی ہے، پارلیمنٹ لاجز میں نہ کوئی ریڈ کیا گیا اور نہ کسی کو ہراساں کیا گیا بلکہ یہ روٹین کا سیکیورٹی آڈٹ تھا۔
ایس سی او سمٹ کے حوالے سے سیکیورٹی آڈٹ چل رہا ہے۔
متعدد ڈیلیگیٹس تاحال اسلام آباد میں موجود ہیں۔
اسی ضمن میں پولیس سیکیورٹی کو ہائی الرٹ رکھتے ہوئے کسی بھی قسم کے سیکیورٹی خدشات کو دور کرتی ہے۔
پارلیمنٹ لاجز میں نہ کوئی ریڈ کیا گیا نہ کسی کو ہراساں کیا گیا بلکہ روٹین کا…
— Islamabad Police (@ICT_Police) October 16, 2024
پوسٹ میں مزید کہا گیا کہ بعض سیکیورٹی خدشات اور شکایات کے پیش نظر 8، 10 مقامات پر متعلقہ پولیس افسر داد رسی اور تصدیق کے لیے گیا تھا۔
اسلام آباد پولیس کے وضاحتی بیان پر ردعمل دیتے ہوئے اختر مینگل نے کہا، ’ آپ لوگوں نے کبھی کوئی ایسا کام تسلیم کیا ہے جو آپ نے کیا ہو، آپ نے کبھی اعتراف نہیں کیا کہ آپ نے بلوچستان سے بچوں کو اٹھایا ہے، تو پھر اس کے سامنے یہ کیا ہے۔‘
آپ لوگوں نے کبھی کوئی ایسا کام تسلیم کیا ہے جو آپ نے کیا ہو، کہ آپ یہ بھی تسلیم کریں گے؟ آپ نے کبھی اعتراف نہیں کیا کہ آپ نے بلوچستان سے بچوں کو اٹھایا ہے، تو پھر اس کے سامنے یہ کیا ہے؟ https://t.co/5v7AFbCtVb
— Akhtar Mengal (@sakhtarmengal) October 16, 2024
انہوں نے مزید کہا، ’انہیں سمجھاتے ہوئے تھک گئے، کیا آپ سب نے بنگلہ دیش سے سبق نہیں سیکھا، آپ رشتے کو مزید خراب کررہے ہیں، خدا کے لیے عقل کے ناخن لیں، پہلے ہی بہت دیر ہوچکی ہے، مزید کی گنجائش نہیں، معاملہ اب ہمارے ہاتھ سے نکل چکا ہے۔‘
یہ بھی پڑھیں: ’الوداع، شاید قانون کی حکمرانی کے بعد ملیں‘، کیا اختر مینگل ملک چھوڑ گئے؟
واضح رہے کہ گزشتہ روز اختر مینگل نے دعویٰ کیا تھا کہ اسلام آباد سے ان کی پارٹی کے سینیٹر کو اغوا کرلیا گیا ہے۔ سماجی رابطے کی سائٹ ’ایکس‘ پر اپنے ایک بیان میں انہوں نے کہا، ’اسلام آباد میں میرے لاجز پر چھاپہ مارا گیا ہے، میری پارٹی کی سینیٹر نسیمہ احسان اپنے اپارٹمنٹ تک محدود ہیں، اور ان کے بیٹے کو بھی اغوا کرلیا گیا ہے۔
My lodges in Islamabad have been raided. My party Senator Naseema Ehsan is confined to her apartment, and her son has been abducted. Meanwhile, my party's other Senator Qasim Roonjo, who went for his dialysis at 8 a.m. in Islamabad, has been untraceable along with his son since… https://t.co/XdmOM6bwNm
— Akhtar Mengal (@sakhtarmengal) October 16, 2024
اختر مینگل نے مزید کہا، ’میری پارٹی کے سینیٹر قاسم رونجو اسلام آباد میں صبح 8 بجے ڈائیلاسز کرانے گئے تھے بیٹے سمیت لاپتا ہیں، کیا جمہوریت ایسی ہوتی ہے۔‘
