سپریم کورٹ بار اور پاکستان بار کونسل کی جانب سے چیف جسٹس قاضی فائز عیسیٰ کے اعزاز میں جمعرات کی شب الوداعی ڈنر کا اہتمام کیا گیا۔
تقریب میں شرکت کرنے والی شخصیات میں امزد چیف جسٹس سپریم کورٹ جسٹس یحیی آفریدی، جسٹس محمد علی مظہر، جسٹس امین الدین، جسٹس جمال مندوخیل، جسٹس حسن رضوی، جسٹس عرفان سادات، جسٹس مسرت ہلالی، جسٹس نعیم اختر افغان، جسٹس عقیل عباسی، ایڈہاک ججز سپریم کورٹ جسٹس سردار طارق اور جسٹس مظہر عالم میاں خیل، چیف جسٹس اسلام آباد ہائیکورٹ عامر فاروق جسٹس محسن، چیف جسٹس لاہور ہائیکورٹ جسٹس عالیہ نیلم اختر کیانی، جسٹس میاں گل حسن اور جسٹس ارباب طاہر بھی شامل تھے۔
یہ بھی پڑھیں: قاضی فائر عیسیٰ کے اعزاز میں نامزد چیف جسٹس اور ججز کا اپنی جیب سے ظہرانہ
رخصت ہونے والے چیف جسٹس، جسٹس قاضی فائز عیسیٰ کے اعزاز میں جمعے کو ریفرنس ہوگا جس میں صبح ساڑھے 10 بجے ان کے اعزاز میں ریفرنس منعقد ہوگا جس میں سوائے جسٹس منصور علی شاہ کے باقی تمام سپریم کورٹ ججز کی شرکت متوقع ہے۔
مزید پڑھیے: قاضی فائز عیسیٰ کا آخری دن، کل فُل کورٹ ریفرنس میں جسٹس منصور کیوں نہیں ہونگے؟
علاوہ ازیں جمعے کو چیف جسٹس فائز عیسی کے اعزاز میں ایک ظہرانہ بھی دیا جائے گا۔ چوں کہ چیف جسٹس قاضی فائر عیسیٰ نے اپنے اعزاز میں ظہرانہ سرکاری خرچ پر قبول کرنے سے انکار کردیا تھا اس لیے اب اس کے اخراجات نامزد چیف جسٹس جسٹس یحییٰ آفریدی اٹھائیں گے۔
