پاکستان تحریک انصاف کے بانی چئیرمین اور سابق وزیر اعظم عمران خان ایک سال سے عرصے سے جیل کی سلاخوں کے پیچھے ہیں مگر ان کے سوشل میڈیا حامیوں میں کوئی کمی نہیں آئی ہے۔
حال ہی میں وہ ایک بار پھر توجہ کا مرکز بنے جب پاکستان اور انگلینڈ کے درمیان ہونے والے تیسرے اور آخری ٹیسٹ میچ میں ایک غیر ملکی سیاح نے سماجی رابطوں کی سائٹ ایکس پر ایک پیغام جاری کیا۔
سیاح کا کہنا تھا کہ انہوں نے پاکستان اور انگلینڈ کا میچ دیکھنے کے لیے عمران خان انکلوژر کا ٹکٹ مانگا جس کے جواب میں ٹکٹ آفس نے انہیں کہا کہ سارے ٹکٹ بک چکے ہیں جبکہ انہوں نے عمران خان انکلوژر میں اپنی چند تصاویر سوشل میڈیا پر شیئر کیں جس میں انکلوژر کو بالکل خالی دیکھا سکتا ہے۔
In the ticket office the other day;
Me: tickets for the Imran Khan enclosure please
Ticket office man; no sir is sold out
Me: no it isn't
Ticket office man: sorry sir, sold out
See pic of Imran Khan enclosure 😭🤣 pic.twitter.com/MAwbvdW7jZ— Kevin Adams (@AshesVictory) October 24, 2024
سیاح نے تصویر سوشل میڈیا پر شیئر کی تو پی ٹی آئی کے حامی صارفین عمران خان کے حق میں سامنے آ گئے ان کا کہنا تھا کہ عمران خان انکلوژر کو اس لیے سولڈ آؤٹ قرار دیا گیا تاکہ لوگ وہاں بیٹھ کر میچ نہ دیکھ سکیں۔
پی ٹی آئی کے آفیشل ایکس ہینڈل نے اس پر ردعمل دیتے ہوئے کہا کہ عمران خان نے سہی کہا تھا کہ یہ لوگ جب عمران خان کا نام سنتے ہیں تو ان کی ٹانگیں کانپنے لگتی ہیں۔ انہوں نے غیر ملکی سیاح کی ٹوئٹس شیئر کرتے ہوئے کہا کہ پاکستان اور انگلینڈ کے میچ کے دوران حکومت نے عمران خان انکلوژر کو ’سولڈ آؤٹ‘ قرار دے دیا تاکہ لوگ وہاں بیٹھ کر میچ نہ دیکھ سکیں۔ تاہم ایک غیر ملکی سیاح نے اس جھوٹ کا پردہ فاش کر دیا۔
عمران خان نے سہی کہا تھا کہ یہ لوگ جب عمران خان کا نام سنتے ہیں تو ان کی ٹانگیں کانپنے لگتی ہیں۔۔۔
پاکستان اور انگلینڈ کے میچ کے دوران حکومت نے عمران خان انکلوژر کو "سولڈ آؤٹ" قرار دے دیا تاکہ لوگ وہاں بیٹھ کر میچ نہ دیکھ سکیں۔
تاہم، ایک غیر ملکی سیاح نے اس جھوٹ کا پردہ فاش کر… pic.twitter.com/Bf724aC7fF
— PTI (@PTIofficial) October 25, 2024
احمد فرہاد کہتے ہیں کہ غیرملکیوں سے جھوٹ بولا گیا کہ عمران خان انکلوژر کے سارے ٹکٹس فروخت ہوچکے ہیں تا کہ کوئی عمران خان انکلوژر میں نہ بیٹھ جائےلیکن غیر ملکی سیاح بھی ٹکٹ لے کر ہی ٹلے۔
غیرملکیوں سے جھوٹ بولا گیا کہ عمران خان انکلوژر کے سارے ٹکٹس فروخت ہوُچکے ہیں تا کہ کوئی عمران خان انکلوژر میں نہ بیٹھ جائےلیکن گورے میاں بھی ٹکٹ لے کر
ہی ٹلے pic.twitter.com/zknnv2Jfcm— Ahmad Farhad (@AhmadFarhadReal) October 25, 2024
ایک ایکس صارف نے لکھا کہ عمران خان انکلوژر کے ٹکٹ جان بوجھ کر فروخت ہی نہیں کیے گئے۔ بغض عمران خان میں یہ سسٹم اور کتنا گرے گا؟
بغض عمران خان میں یہ سسٹم اور کتنا گرے گا؟؟؟
عمران خان انکلوژر کے ٹکٹ جان بوجھ کر فروخت ہی نہیں کیے گئے۔ pic.twitter.com/6xaYfFg8wq— Usman Khan (@usmanghani_k) October 25, 2024
تابندہ نامی صارف نے لکھا کہ ایسا اس لیے کیا گیا کیونکہ یہ لوگ ڈر گئے ہیں۔
They are scared. https://t.co/8ueImpZIAk pic.twitter.com/Z9ukgRlrBd
— Tabinda (@taabindaa) October 24, 2024
راولپنڈی کرکٹ اسٹیڈیم میں پاکستان اور انگلینڈ کے مابین 3 ٹیسٹ میچز کی سیریز کے آخری اور فیصلہ کن میچ کے دوسرے دن کا کھیل جاری ہے۔ میچ کے پہلے دن انگلینڈ کے پہلی اننگز میں 267 رنز کے جواب میں پاکستان کی بیٹنگ جاری ہے۔
