انگلینڈ کی ٹیسٹ ٹیم کے کپتان بین اسٹوکس کے گھر چوری کی واردات ہوئی ہے۔ چوری ان کی ٹیسٹ سیریز کے لیے پاکستان میں موجودگی کے دوران 17 اکتوبر 2024 کو ہوئی تھی۔
سوشل میڈیا ایکس پوسٹ میں بین اسٹوکس کا کہنا تھا کہ 17 اکتوبر کی شام چند ماسک پہنے لوگوں نے میرے گھر چوری کی۔ وہ جیولری، قیمتی اشیا اور ذاتی استعمال کی اچھی خاصی چیزیں ساتھ لےگئے۔ شکر ہے کہ فیملی کو کسی طرح کا جسمانی نقصان نہیں پہنچا۔
APPEAL
On the evening of Thursday 17th October a number of masked people burgled my home in the Castle Eden area in the North East.
They escaped with jewellery, other valuables and a good deal of personal items. Many of those items have real sentimental value for me and my…
— Ben Stokes (@benstokes38) October 30, 2024
مزید پڑھیں:مینز ٹیسٹ ٹیم آف دی ایئر کا اعلان، اسٹوکس کپتان مقرر، بابر بھی ٹیم کا حصہ
بین اسٹوکس کا کہنا تھا کہ کچھ اشیا کے ساتھ میرا اور میری فیملی کا جذباتی لگاؤ تھا، میری یہ اپیل ان افراد کو تلاش کرنے میں مدد کے لیے ہے، یہ جرم اس وقت کیا گیا جب میری اہلیہ 2 چھوٹے بچوں کے ساتھ گھر پر تھیں، شکر ہے فیملی کو کسی طرح کا جسمانی نقصان نہیں پہنچا تاہم اس واردات کی وجہ سے ان پر ذہنی طور پر اثر پڑا ہے۔
بین اسٹوکس کا کہنا تھا کہ میں چوری ہونے والی چند اشیا کی چیزیں بھی شیئر کر رہا ہوں، اس کا مقصد صرف ان لوگوں کو پکڑنا ہے، اگر آپ کے پاس کوئی معلومات ہیں تو ڈرہم کانسٹیبلری سے رابطہ کریں، میں پولیس کا شکریہ ادا کرتا ہوں جب واردات ہوئی میں پاکستان میں تھا تو پولیس نے فیملی کی غیر معمولی سپورٹ کی، پولیس اب بھی ان لوگوں کی تلاش کے لیے بہت کام کر رہی ہے۔
