وزیراعلیٰ پنجاب مریم نواز شریف نے کہا ہے کہ ظلم، ناانصافی اور جھوٹ کو بے نقاب کرنے والے صحافی قابل تحسین ہیں، بحیثیت وزیراعلیٰ آزادی صحافت کے تحفظ کی ضامن و داعی ہوں۔ سچ اور حق کی راہ پر چلنے والے زمہ دار اور باوقار صحافیوں کے ساتھ ہیں اور ان کے حقوق کا تحفظ کریں گے۔
وزیراعلیٰ مریم نواز شریف نے صحافیوں کے خلاف جرائم کے خاتمے کے عالمی دن پر اپنے پیغام میں کہا کہ حق سچ کی آواز اٹھانے والے صحافیوں پر ظلم و تشدد بند ہونا چاہیے۔ مقبوضہ جموں و کشمیر اور فلسطین سمیت ہر ملک میں صحافیوں پر تشدد قابل مذمت ہے۔ احساس ذمہ داری کے ساتھ آزادی صحافت جمہوریت کی اساس ہے۔ مضبوط جمہوری معاشرے کے لیے آزاد صحافت کا ہونا نہایت ضروری ہے۔
مزید پڑھیں:صحافیوں کے خلاف جرائم کا عالمی دن: حکومت بندے اٹھائے نہ ہراساں کرے، انہیں انگیج کرے؛ عمر چیمہ
مریم نواز شریف نے کہا کہ صحافی معاشرتی انصاف کے محافظ اور عوام کی آواز ہیں۔ صحافیوں کے حقوق کے تحفظ کے لیے اقدام حکومت کا فرض ہے۔ بے گھر صحافیوں کے لیے اپنی چھت کا خواب پورا کرنے کے لیے پرعزم ہیں۔
