لاہور میں قذافی اسٹیڈیم کی اپ گریڈیشن پراجیکٹ کا مجموعی طور پر 50فیصد مکمل ہوگیا، چئیرمین پاکستان کرکٹ بورڈ (پی سی بی) محسن نقوی نے تعمیراتی کاموں پر اطمینان کا اظہار کرتے ہوئے کہا کہ یہ اسٹیڈیم اب عالمی معیار کا بننے جا رہا ہے۔
قذافی سٹیڈیم اپ گریڈیشن پراجیکٹ کا مجموعی طور پر تقریبا50 فیصد کام مکمل
انکلوژرز اور مین بلڈنگ کے فلورز کا کام تیز
مین اور افس بلڈنگ کے فلورز تکمیل کے آخری مرحلے میں
چئیرمین پاکستان کرکٹ بورڈ محسن نقوی کا قذافی سٹیڈیم کا تفصیلی دورہ
مین بلڈنگ میں کرکٹ میوزیم اور سوونیر شاپ… pic.twitter.com/tyLSwMhFAU
— PCB Media (@TheRealPCBMedia) November 3, 2024
چیئرمیں پی سی بی محسن نقوی نے قذافی اسٹیڈیم لاہور کا تفصیلی دورہ کیا، چئیرمین پی سی بی کی زیر صدارت ایف ڈبلیو او کے کیمپ آفس میں اجلاس ہوا جہاں انہوں ڈرائنگز کے ذریعے پراجیکٹ کے خدوخال کا جائزہ لیا۔
مزید پڑھیں: چیمپیئنز ٹرافی کے لیے اسٹیڈیمز کی اپ گریڈیشن جاری، آئی سی سی وفد 10 نومبر کو دورہ کرےگا
چئیرمین پی سی بی محسن نقوی نے پارکنگ ایریا کو کشادہ رکھنے کے لیے ہدایات دیں، مین بلڈنگ کے بیرونی آؤٹ لک کو خوبصورت بنانے کی ہدایت کی، انہوں نےایف ڈبلیو او اور متعلقہ حکام کو کام مقررہ مدت میں مکمل کرنے کے حوالے سے بھی ہدایات دیں۔
اس موقع پر محسن نقوی نے کہا کہ چیمپیئنز ٹرافی ٹورنامنٹ سے قبل قذافی اسٹیڈیم کی تکمیل کا چیلنج پورا کرنا ہے۔ یہ اسٹیڈیم اب عالمی معیار کا بننے جا رہا ہے۔ کھلاڑیوں اور شائقین کرکٹ کے لیے سہولتوں کو بہتر بنایا جا رہا ہے۔
اس دوران ایف ڈبلیو او کے پراجیکٹ ڈائریکٹر نے منصوبے پر ہونے والی پیش رفت سے آگاہ کیا، انہوں نے بتایا کہ انکلوژرز اور مین بلڈنگ کے فلورز کا کام تیز کردیا ہے، مین اور آفس بلڈنگ کے فلورز تکمیل کے آخری مرحلے میں ہیں۔ مین بلڈنگ میں کرکٹ میوزیم اور سوونیر شاپ بھی بنے گی۔
یہ بھی پڑھیں: محسن نقوی کا دورہِ قذافی اسٹیڈیم، چیمپیئنز ٹرافی سے متعلق کیا کہا؟
چئیرمین پی سی بی محسن نقوی نے منصوبے پر ہونے والی پیش رفت کا جائزہ لیا،اور پراجیکٹ کے تعمیراتی کاموں کا معائنہ کیا۔ محسن نقوی نے تعمیراتی کاموں پر اطمینان کا اظہار کیا۔
واضح رہے چیف آپریٹنگ آفیسر پی سی بی، ڈائریکٹر انفراسٹرکچر، ڈائریکٹر ڈومیسٹک، سینئر جنرل مینجر انفراسٹرکچر، آرکیٹیکٹ، ایف ڈبلیو او اور نیسپاک کے متعلقہ حکام بھی اس موقع پرموجود تھے۔
