بلوم برگ کی ایک رپورٹ سامنے آئی ہے جس کے مطابق روس ایشیائی ممالک کو 34 فیصد درآمدات فراہم کرتا ہے۔
بلوم برگ کی جانب سے جاری رپورٹ کے مطابق مارچ کے مہینے میں ہندوستان اور روس کے درمیان تیل کی تجارت بلند ترین سطح 1.64 ملین بیرل یومیہ (بی پی ڈی) تک پہنچ چکی ہے۔
ہندوستان کو روسی خام تیل کی فراہمی فروری میں ریکارڈ کی گئی جو کہ 1.62 ملین بی پی ڈی تک پہنچی۔ روس اب مسلسل 6 ماہ سے ہندوستان کو تیل فراہم کرنے والا سب سے بڑا ملک ہے۔
اعداد و شمار نے یہ بھی ظاہر کیا کہ مارچ میں روس کی ہندوستان کو تیل فراہمی کی مقدار میں نمایاں اضافہ دیکھا گیا ہے۔
دوسری جانب مارچ میں دیگر جنوبی ایشیائی ممالک نے کل 68600 بی پی ڈی تیل روس سے خریدا ہے۔
رپورٹ میں کہا گیا ہے کہ عراق نے مبینہ طور پر 821952 بی پی ڈی تیل فروخت کیا اور سعودیہ کے بعد اب یہ ہندوستان کو تیل فراہم کرنے والا بڑا سپلائر ہے۔ سعودی عرب بھی بھارت کو 986288 بی پی ڈی تیل فراہم کر چکا ہے۔
متحدہ عرب امارات بھی امریکہ کو پیچھے چھوڑتے ہوئے ہندوستان کے لیے خام تیل کا چوتھا سب سے بڑا ذریعہ بن چکا ہے۔
واضح رہے کہ ہندوستان اس وقت دنیا کا تیسرا سب سے بڑا تیل استعمال کرنے والا ملک ہے۔ اس نے یوکرین اور روس جنگ کے دوران روس کی جانب سے رعایت پر تیل بیچنے کی پیش کش کو قبول کر لیا تھا۔
