رواں سال جون میں معروف اداکارہ مہوش حیات کی ایک ویڈیو سوشل میڈیا پر وائرل ہوئی تھی جس میں انہوں نے تاحال شادی نہ کرنے کی وجہ بتاتے ہوئے کہا تھا کہ انہیں آج تک ان کی پسند کا مرد نہیں ملا اس لیے انہوں نے ابھی تک شادی نہیں کی، انہوں نے کہا تھا کہ وہ دراز قد مرد سے شادی کرنا پسند کریں گی۔
یہ بھی پڑھیں: مہوش حیات اور ہنی سنگھ ایک ساتھ، میوزک ویڈیو کب آرہی ہے؟
تاہم اب لگتا ہے کہ اداکارہ نے شادی کا فیصلہ کرلیا ہے، انہوں نے نجی ٹی وی پروگرام میں بات کرتے ہوئے کہا ’مجھے شادی کی پیش کش آرہی ہے اور اب میں نے اس پر غور بھی شروع کردیا ہے۔ میں نے شادی کے حوالے سے اپنا ذہن بنا لیا ہے، اس سے پہلے میں صرف اپنے کام پر مرکوز تھی، تاہم میں اب بھی ان تجاویز سے انکار کر رہی ہوں جو خاندان کی طرف سے مجھے بھیجے جارہے ہیں۔‘
مہوش حیات نے اپنے شوہر میں ان خوبیوں کے بارے میں بات کرتے ہوئے کہا۔ ’میرے خیال میں میرے ساتھی کو ذہین اور نرم دل ہونا چاہیے۔ میں اس بارے میں بھی خاص طور پر فکرمند ہوں کہ وہ شخص اپنے خاندان کے ساتھ کیسا سلوک کرتا ہے اور اپنی پیشہ ورانہ زندگی میں ذمہ داری کیسے نبھاتا ہے۔
یہ بھی پڑھیں: آج تک پسند کا مرد نہیں ملا، مہوش حیات
اداکارہ نے کہا شادی 2 افراد کا نہیں بلکہ 2 خاندانوں کا ملاپ ہے، مجھے اپنا کام بھی جاری رکھنا ہے، اس لیے مجھے کسی ایسے شخص کی ضرورت ہے جو میرے پیشے کو سمجھتا ہو اور وہ مالی طور پر بھی مضبوط ہو، کیوں کہ میں بھی کماتی ہوں۔
واضح رہے کہ مہوش حیات ایک لاجواب پاکستانی ٹیلی ویژن اور فلمی اداکار ہیں جنہوں نے متعدد ہٹ ڈراموں اور فلموں میں کام کیا ہے۔ ان کے 5.2 ملین انسٹاگرام فالوورز ہیں۔
یہ بھی پڑھیں: مہوش حیات نے بالی ووڈ فلموں میں کام نہ کرنے کی وجہ بتا دی
ان کے قابل ذکر ڈراموں میں دل لگی، ٹھوری سی وفا چاہیے، ان سنی، من جلی، پھر چاند پہ دستک، میرات العروس، میرے قتیل میرے دلدار، ربڑو اور دیگر شامل ہیں۔
ان کی مقبول فلمیں پنجاب نہیں جاؤں گی، ایکٹر ان لا، چھلاوا، لندن نہیں جاؤں گی اور دیگر ہیں۔
