ضلع عمرکوٹ، سندھ سول سوسائیٹی کے ممبران کے ایک وفد نے قومی رحمت للعالمین و خاتم النبیین اتھارٹی کا استقبال کرنے کا اعزاز حاصل ہوا۔ وفد میں سول سوسائٹی سپورٹ پروگرام، عمرکوٹ سٹیزنز فورم، ڈسٹرکٹ ویمن گروپ عمرکوٹ، سندھ آبادی سنگت، اور دیگر تنظیموں کے نمائندگان شامل تھے۔ وفد میں نہ صرف مسلمان بلکہ دیگر مختلف مذہبی پس منظر رکھنے والے افراد بھی شامل تھے۔
چیئرمین جناب خورشید احمد ندیم نے مہمانوں کو گرمجوشی سے خوش آمدید کہا اور قومی رحمت اللعالمین و خاتم النبیین اتھارٹی کے بارے میں بریفنگ دی، جس میں بین المذاہب ہم آہنگی کو فروغ دینے والے کلیدی اقدامات پرخصوصاً روشنی ڈالی۔ انہوں نے وفد کو سال 2023-24 کے لیے اتھارٹی کی پیش رفت رپورٹ بھی پیش کی۔
سول سوسائٹی سپورٹ پروگرام کے مینیجر میر حسام آریسر اور دیگر مہمانان نے اتھارٹی کی کاوشوں کی تعریف کی اور سیرت النبیﷺ کی تعلیمات کے تحت بین المذاہب ہم آہنگی کو بڑھانے کے لیے قیمتی تجاویز پیش کیں۔
اس موقع پر اتھارٹی کے ڈائریکٹر جناب سہیل بن عزیز نے بھی خطاب کرتے ہوئے اتھارٹی کی مختلف سرگرمیوں پر روشنی ڈالی۔ دورے کے اختتام پر مہمانان کو اتھارٹی کی جانب سے یادگاری شیلڈ پیش کی گئی۔
