پاکستان اور آسٹریلیا کے درمیان 3 ون ڈے میچز کی سیریز کا دوسرا میچ ایڈیلیڈ میں جاری ہے، ایسے میں میچ کی ایک دلچسپ ویڈیو سوشل میڈیا پر وائرل ہو گئی جس میں پاکستان کے وکٹ کیپر بیٹر محمد رضوان ریویو لینے سے پہلے ایڈم زمپا سے مشورہ لیتے ہیں کہ کیا انہیں ریویو لینا چاہیے جس پر زمپا نے کہا جی بالکل آپ کو لینا چاہیے۔
کمنٹیٹر بھی مسکراتے ہوئے کہنے لگے کہ رضوان ریویو لینے سے بیٹر سے ہی پوچھ رہے ہیں۔
"You should take it!" #AUSvPAK pic.twitter.com/WL2KFDCfrJ
— cricket.com.au (@cricketcomau) November 8, 2024
ویڈیو سوشل میڈیا پر وائرل ہوئی تو صارفین کی جانب سے اس پر دلچسپ تبصرے کیے گئے، عمران علی رانا لکھتے ہیں کہ ایڈم زمپا نے محمد رضوان کے ساتھ ہالووین کی چال چلی ہے۔
Zumpa played the Halloween trick with Rizwan. 😀
— Imran Ali Rana (@Imranuqa) November 8, 2024
ایک صارف نے ویڈیو پر تبصرہ کرتے ہوئے کہا کہ کم از کم ہم میچ دیکھتے ہوئے بیزار نہیں ہو رہے۔
at least we aren’t boring https://t.co/8NWUA7EtPN
— ayme. 🍉 (@aymx_infinity) November 8, 2024
نعمان عظیم لکھتے ہیں کہ رضوان بھائی آپ کمال ہو۔
rizwan bhai aap kamal ko.#PAKvAUS https://t.co/B2846Tyvtq
— Nauman Azeem (@naumanazeem) November 8, 2024
واضح رہے ایسا پہلی بار نہیں ہوا کہ ریویو لینے سے قبل محمد رضوان نے بیٹر سے مشورہ کیا ہو بلکہ اس سے قبل بھی 2023 میں ورلڈ کپ کے میچ میں بنگلہ دیش کے خلاف محمد رضوان کی ریویو لینے سے پہلے بیٹر سے پوچھنے کی ویڈیو وائرل ہوئی تھی۔
Rizwan asking the batter if he is out or not out before taking DRS 😂❤️ #CWC23 #PAKvsBAN https://t.co/U6gKEErJq9
— Farid Khan (@_FaridKhan) October 31, 2023
شاہین آفریدی کی گیند پر تسکین احمد کے ایل بی ڈبلیو کے لیے اپیل کی گئی امپائر نے ناٹ آؤٹ قرار دیا۔ بابر اعظم نے ریویو لینے سے پہلے محمد رضوان سے پوچھا، رضوان ریویو لینے سے پہلے تسکین احمد سے ہی پوچھنے لگے کہ پیڈ ہے، بیٹ ہے؟ پھر کہنے لگے کہ ’یہ کہہ رہا ہے کہ بیٹ لگا ہے‘۔ تاہم بابر اعظم نے ریویو نہیں لیا تھا۔
