امریکی ریاست کنیکٹیکٹ میں ایک سیاہ ریچھ ایک گھر کے احاطے سے بچوں کے لیے رکھی گئی ٹافیاں لے اڑا۔
یہ بھی پڑھیں: مرغ ہوٹل نے میدان مارلیا، گنیز بک میں شامل
ہیلووین کے موقعے پر بچوں کے لیے پورچ میں رکھی گئی ٹافیاں کے پیالے پر ہاتھ صاف کرنے کے علاوہ بھالو وہاں سے کدو بھی چرا لے گیا۔
گھر میں مالکن کرسٹل کُک نے اس حوالے سے ایک سیکیورٹی کیمرے کی فوٹیج شیئر کی ہے جس میں بھالو کو ہیلووین کینڈی کا پیالہ لیتے ہوئے دیکھا گیا۔ خاتون نے وہ پیالہ محلے کے بچوں کے لیے رکھا تھا تاکہ جب وہ وہاں سے گزریں تو ٹافیاں بھی کھاتے جائیں۔
کرسٹل اس وقت خود گھر کے اندر اسنیکس سے لطف اندوز ہور ہی تھیں کہ چالاک چور نے کارروائی کردی۔ بھالو صرف ٹافیوں تک ہی نہیں رکا بلکہ اس نے خاتون کی جانب سے اشیا ڈلیور کرنے آنے والے ڈرائیوروں کے لیے رکھے گئے اسنیکس بھی چٹ کرلیے اور جاتے جاتے ایک گھیا کدو بھی اٹھا لے گیا۔
گھر کی مالکن نے کہا کہ ریچھ نے کچھ اسنیکس پر بھی چھاپہ مارا جو وہ ڈلیوری ڈرائیوروں کے لیے چھوڑتی ہے اور اپنے خاندان کا ایک کدو لے گئی۔
مزید پڑھیے: فلوریڈا: چاکلیٹ چور ریچھ نے کیسے ایک ویلنٹائن ڈے سرپرائز خراب کیا
دریں اثنا نارتھ کیرولائنا میں بھی ایک خاتون کے حفاظتی کیمرے نے ہیلووین کے آغاز پر بھالو چوروں کے گروہ کی فوٹیج شیئر کی ہے۔ اس فوٹیج میں 3 بھالو گھر کے پورچ میں لگے کدو کھاکر فرار ہوئے۔
