پاکستان کرکٹ ٹیم نے 22 برس بعد آسٹریلیا کو ہوم گراؤنڈ پر ون ڈے سیریز میں شکست دے کر تاریخ رقم کردی ۔ 140 رنز کے ہدف کا تعاقب کرتے ہوئے پاکستان نے 27ویں اوور کی پانچویں گیند پر 2 وکٹوں کے نقصان پر ہدف پورا کرلیا۔
ایک عرصے بعد پاکستان کرکٹ ٹیم نے شاندار جیت کا تحفہ دیا تو پاکستانی شائقین کرکٹ نے بھی تعریف کرنے میں کنجوسی نہیں کی۔ آسٹریلیا کو آسٹریلیا میں ہرایا تو سماجی رابطوں کی ویب سائٹس پر صارفین نے خوب داد دی اور دلچسپ تبصرے کیے ۔ کسی نے تعریف کی تو کوئی اب تک اس بات کا یقین ہی نہیں کر پا رہا کہ پے در پے شکست کے بعد پاکستان کرکٹ ٹیم ورلڈ چیمپین آسٹریلیا کو ان کے گھر میں ہی پچھاڑ سکتی ہے۔ صارفین نے سماجی رابطوں کی ویب سائٹس پر طنز ومزاح سے بھرپور تبصروں سے سماں باندھ دیا۔
ایک صارف نے ایکس پر پوسٹ کرتے ہوئے لکھا کہ ’ سنڈے فنٹاسٹک تھا، پاکستان کو مبارکباد ‘
Sunday was fantastic
Congratulations Pakistan for winning this odi series #PakvsAus 🇵🇰 🇦🇺— Sahil Ashraf (@SaaHiiL313) November 10, 2024
جہاں صارفین نے فاسٹ بولرز کی تعریفوں کے پل باندھے وہیں کپتان محمد رضوان کی کپتانی کی تعریف کیے بنا نہ رہ سکے۔ ایک صارف نے لکھا ’ناقابل یقین فیلڈ پوزیشن ، یہ ہمارے لڑکے نہیں ہیں‘
INSANE FIELD, YE HUMARE LARKE NAI HAIN 😭😭😭😭😭 pic.twitter.com/LD86CPO5w6
— عثمان (@usmssss) November 10, 2024
ایک اور صارف نے بابر اعظم پر تبصرہ کرتے ہوئے لکھا کہ ’ کپتانی سے استعفی دے کر خوشی واپس پالی ‘
man resigned from captaincy and got his happiness back, things we love to see. pic.twitter.com/kmygQgzgm4
— Haroon (@ThisHaroon) November 10, 2024
پاکستان کرکٹ ٹیم کے کپتان محمد رضوان کا ایک ویڈیو کلپ بھی وائرل ہورہا ہے جس میں انہوں نے آسٹریلیا جانے سے قبل کہا تھا کہ آج تک ہم نے آسٹریلیا کو آسٹریلیا میں نہیں ہرایا لیکن اس کا مطلب یہ نہیں کہ ہم ہرا نہیں سکتے ، ہم ان کو ہرائیں گے۔ صارفین کی جانب سے یہ ویڈیو کلپ دوبارہ شئیر کیا جارہا ہے اور ان کا کہنا ہے کہ رضوان نے جو کہا تھا وہ کر کے دیکھا دیا۔
Rizwan said, “Australia ko Australia mai haraye ge.”
He said it, and he did it. 🫡🔥#AUSvPAK #PAKvsAUS pic.twitter.com/E6yhQ1sSX2
— #BabarAzam #ViratKohli fans club 🇵🇰🇮🇳 (@CallMeSheheryar) November 10, 2024
ایک اور صارف نے ایکس پر رضوان کی کپتانی سے متعلق اپنے جذبات کا اظہار کُچھ اس طرح سے کیا ’کیا آپ یہ بات جانتے ہیں کہ آسٹریلیا کے کسی بھی بلے باز نے پاکستان کے خلاف اس سیریز میں کوئی ایک بھی نصف سینچری سکور نہیں کی ہے۔ ہم رضوان کے دور میں جی رہے ہیں۔‘
DID YOU KNOW…!!!
No Australian batter has scored even a fifty in the whole series.
We are living in Rizwan Era. 🫡 ❤️ pic.twitter.com/kPEmsWK3Nl
— Nawaz 🇵🇰 (@Rnawaz31888) November 10, 2024
ایک اور صارف نے لکھا آسٹریلیا کو ہم آسٹریلیا میں ہرا کر دیکھائیں گے! وہ جو کہتا ہے وہ کرتا بھی ہے ! وہ بابر نہیں رضوان ہے
آسٹریلیا کو ہم آسٹریلیا میں ہرا کر دیکھائیں گے!
وہ جو کہتا ہے وہ کرتا بھی ہے ! وہ بابر نہیں رضوان ہے pic.twitter.com/Be65Bc0tQG— Shehroz Azhar (@shehrozazhar1) November 10, 2024
واضح رہے کہ پاکستان نے آسٹریلیا کو پرتھ میں ہونے والے ایک روزہ میچوں کی سیریز کے آخری اور فیصلہ کن میچ میں آٹھ وکٹوں سے شکست دے کر سیریز دو ایک سے جیت لی ہے۔آسٹریلیا میں 2002 کے بعد سیریز میں پاکستان کرکٹ ٹیم کی یہ پہلی کامیابی ہے۔
