پاکستان تحریک انصاف (پی ٹی آئی) نے انٹرا پارٹی الیکشن کے معاملے پر سپریم کورٹ کے 21 اکتوبر 2024 کے فیصلے کے خلاف دوسری نظرثانی درخواست دائر کردی ہے۔
درخواست میں الیکشن کمیشن سمیت دیگر کو فریق بنایا گیا ہے۔ درخواست میں مؤقف اپنایا گیا ہے کہ سپریم کورٹ نے 21 اکتوبر کا فیصلہ یکطرفہ طور پر دیا۔
یہ بھی پڑھیں: سپریم کورٹ: پاکستان تحریک انصاف کی انٹراپارٹی انتخابات سے متعلق نظر ثانی درخواست خارج
پی ٹی آئی نے اپنی درخواست میں استدعا کی ہے کہ سپریم کورٹ کے 13 جنوری اور 21 اکتوبر کے فیصلوں کے خلاف اپیل منظور کی جائے اور نظرثانی درخواست پر دوبارہ سماعت کی جائے۔
واضح رہے کہ 21 اکتوبر کو سابق چیف جسٹس قاضی فائز عیسیٰ کی سربراہی میں سپریم کورٹ کے 3 رکنی خصوصی بینچ نے پاکستان تحریک انصاف کی انٹراپارٹی انتخابات سے متعلق نظر ثانی درخواست خارج کردی تھی۔
مزید پڑھیں:لاہور ہائیکورٹ نے الیکشن کمیشن کو پی ٹی آئی انٹرا پارٹی الیکشن کا حتمی فیصلہ کرنے سے روک دیا
چیف جسٹس نے حکمنامے میں کہا تھا کہ پی ٹی آئی وکلا نے کیس کے میرٹس پر دلائل نہیں دیے۔ جسٹس محمد علی مظہر اور جسٹس مسرت ہلالی بھی 3 رکنی خصوصی بینچ کا حصہ تھے۔
