بھارت نے پاکستانی کھلاڑیوں کو ویزے دینے سے انکار کردیا جس کے باعث وہ پاکستان ٹیم ایشیا یوتھ اسکریبل چیمپیئن شپ میں ٹائٹل کے دفاع سے محروم رہ جائیں گے۔
ایشیا یوتھ اسکریبل چیمپیئن شپ کے لیے ویزے نہ ملنے کے سبب پاکستان ٹیم ٹائٹل کے دفاع سے محروم ہوگئی ہے۔ پاکستان نے سنہ 2022 میں بھارت میں ایشین ٹائٹل جیتا تھا۔
یہ بھی پڑھیں: بھارتی ویزا نہ ملنے پر قومی خواتین نیٹ بال ٹیم ایشین چیمپیئن شپ میں شرکت سے محروم
پاکستان اسکریبل ایسوسی ایشن کے ڈائریکٹرطارق پیریز کا کہنا ہے کہ قومی پلیئرز نے ایونٹ سے 2 ماہ قبل ویزوں کے لیے درخواست دی تھی لیکن پاکستان میں موجود بھارتی ہائی کمیشن نے جان بوجھ کر ویزے دینے میں تاخیر کی تاہم کچھ پاکستانی پلیئرز کو آخری لمحات میں ویزے جاری کیے گئے۔ یاد رہے کہ ایشین یوتھ اسکریبل چیمپیئن شپ اتوار سے نئی دہلی میں شروع ہوچکی ہے۔
مزید پڑھیے: بھارتی صحافی نے اسلام آباد کو ایشیا کا خوبصورت ترین شہر قرار دیدیا
انڈین ہائی کمیشن نے آدھے سے زائد پلیئرز کو ویزے جاری نہ کرنے کی وجہ بھی نہیں بتائی، منتظمین نے پاکستانی پلیئرز کے حوالے سے تمام کلیئرنس کروائی ہوئی تھی۔
ویزے ملنے کی یقین دہانی پر پاکستان ٹیم کراچی سے لاہور پہنچ چکی تھی تاہم اب تمام کھلاڑی مایوس ہوکر کراچی واپس لوٹ رہے ہیں۔
