سیالکوٹ میں سسرالیوں کے ہاتھوں بہو کے قتل کیس میں تحقیقات جاری ہیں اور ابتدائی تفتیش میں سنسنی خیز انکشافات سامنے آگئے ہیں۔
میڈیا رپورٹس کے مطابق پولیس کا دعویٰ ہے کہ مقتولہ کی ساس ملزمہ صغراں نے حسد اور نفرت میں آکر بہو کو قتل کرنے کا اعتراف کیا ہے اور کہا ہے کہ مقتولہ پر جو الزامات لگائے گئے تھے وہ جھوٹے تھے۔
یہ بھی پڑھیں سابق شوہر کے جال میں کیسے آئی، زینب جمیل کے حیران کن انکشافات
دوسری جانب سسرالیوں کے ہاتھوں قتل ہونے والی بہو کے کیس میں اہم پیشرفت سامنے آئی ہے اور پولیس نے مرکزی کو ملزم کو گرفتار کرلیا ہے۔
پولیس نے مقتولہ زارا کے قتل میں ملوث مرکزی ملزم نوید کو گرفتار کرکے آج ڈیوٹی مجسٹریٹ کی عدالت میں پیش کیا، جہاں اس کا ایک روزہ جسمانی ریمانڈ منظور کرکے پولیس کے حوالے کردیا گیا۔
پولیس نے ڈیوٹی مجسٹریٹ سے ملزم کے 10 روزہ جسمانی ریمانڈ کی استدعا کی تھی، تاہم خاتون مجسٹریٹ نے ایک روزہ ریمانڈ منظور کیا۔
پولیس کے مطابق زارا قتل کیس میں گرفتار کیے گئے دیگر 3 ملزموں کو کل عدالت میں پیش کیا جائے گا۔
یاد رہے کہ ڈسکہ میں سسرالیوں نے حاملہ بہو کو قتل کرکے لاش کے ٹکڑے بوری میں ڈال کر نالے میں پھینک دیے تھے۔
مقتولہ زارا کا شوہر بسلسلہ روزگار بیرون ملک مقیم ہے، اب تک کی تحقیقات کے مطابق زارا کو اس کی ساس اور نند سمیت 4 افراد نے مل کر قتل کیا۔
یہ بھی پڑھیں ایبٹ آباد: ’بیٹے نے والدین کو پھانسی دے کر لاشیں کنویں میں پھینک دیں‘
پولیس نے مقدمہ درج کرکے ملزمان کو گرفتار کیا تھا، جنہوں نے اعتراف جرم کرلیا۔
