اسلام آباد ہائی کورٹ نے عسکری اداروں کے افسروں کے خلاف تقاریر پر عمران خان کے خلاف درج مقدمہ خارج کرنے کی درخواست پر مقدمہ کے مدعی علاقہ مجسٹریٹ سمیت پولیس کو نوٹس جاری کردیا۔
چیئرمین تحریک انصاف عمران خان کی جانب سے مقدمہ کے اخراج کی درخواست پر سماعت اسلام آباد ہائی کورٹ کے چیف جسٹس عامر فاروق نےکی۔
درکواست گزار کے وکیل فیصل چوہدری نے استدعا کی کہ آئندہ سماعت تک ایف آئی آر پر کارروائی یا عمل درآمد روک دیں جس پر جسٹس عامر فاروق بولے کہ نوٹس کردیا ہے جواب آنے دیں پھر دیکھیں گے۔
فیصل چوہدری نے دائرہ اختیار پر بات کرتے ہوئے موقف اپنایا کہ لاہور کے معاملے پر مقدمہ اسلام آباد میں درج کیا گیا ہے۔ واقعہ کراچی میں ہوتا ہے اور پرچہ کہیں اور ہو جاتا ہے۔
عدالت نے فریقین کو نوٹس جاری کرتے ہوئے سماعت ملتوی کر دی۔ اس مقدمہ کے مدعی علاقہ مجسٹریٹ کو عدالت نے آئندہ سماعت پر ذاتی حیثیت میں طلب کیا ہے۔
عمران خان کی درخواست پر رجسٹرار آفس نے اعتراض عائد کیا تھا کہ مقدمہ اخراج درخواست سے قبل ضمانت کیوں نہیں حاصل کی گئی اسی طرح دوسرا اعتراض عمران خان کے پاور آف اٹارنی سے متعلق تھا، تاہم دونوں اعتراضات پہلے ہی عدالتی کارروائی سے قبل دور کیے جا چکے ہیں۔
