حال ہی میں پاکستانی اداکار سعود اور بالی ووڈ ماڈل و اداکارہ نورا فتیحی کی ملاقات کی ویڈیو سوشل میڈیا پر وائرل ہوئی جس کے چرچے دور دور تک پھیلے۔ تاہم اداکار سعود نے اس حوالے سے خاموشی توڑتے ہوئے اصلی کہانی بیان کردی ہے۔ انہوں نے سوشل میڈیا پر وائرل ملاقات کی ویڈیو پر ردعمل دیتے ہوئے کہاکہ کسی نے ان کی نورا فتیحی سے ملاقات کی ویڈیو چوری چھپے بنا کر ان کی اہلیہ جویریہ کو بھیجی جسے انہوں نے سوشل میڈیا پر شیئر کیا اور وہ وائرل ہوگئی۔
View this post on Instagram
کچھ روز قبل اداکار سعود قاسمی نجی ٹی وی کے پروگرام میں بطور مہمان شریک ہوئے جس میں میزبان نے اداکار سےسوال کیا کہ نورا فتیحی کے ساتھ ویڈیو دیکھنے کے بعد جویریہ نے آپ کو فون کرکے کیا کہا تھا؟ جس پر سعود کا کہنا تھا کہ ان کے چھوٹے بھائی کی لیگ کا میچ تھا، جس میں نورا فتیحی اور میکا سنگھ سمیت دیگر مشہور شخصیات شریک تھیں۔
اداکار کا کہنا تھا کہ ان کی نورا فتیحی سے ملاقات وہیں ہوئی تھی، اور کسی نے ملاقات کی ویڈیو بنا کر ازراہِ مذاق جویریہ کو بھیج دی جس کو خود انہوں نے سوشل میڈیو پر پوسٹ کیا، ان کا کہنا تھا کہ ویڈیو انہوں نے خود نہیں بنوائی بلکہ کسی اور نے بنائی تھی اور ان کا رخ نورا کی طرف بھی نہیں تھا یہ سب کچھ اتفاقی تھا۔
واضح رہے کہ سعود اور نورا فتیحی کے درمیان مختصر ملاقات کی ویڈیو گزشتہ ماہ اکتوبر میں وائرل ہوئی تھی۔ ویڈیو میں سعود اور نورا فتیحی کو ایک دوسرے سے ہاتھ ملاتے اور تقریب میں ایک ساتھ بیٹھا ہوا بھی دیکھا گیا تھا۔
