بلاوائیو میں کھیلے گئے 3 ون ڈے میچز کی سیریز کے دوسرے میچ میں پاکستان نے زمبابوے کو 10وکٹوں سے شکست دے دی۔ زمبابوے نے پاکستان کو 146رنز کا ہدف دیا، جوکہ صائم ایوب اور عبداللہ شفق نے جارحانہ بیٹنگ کرتے ہوئے 18.2 اوورز میں پورا کرلیا۔
صائم ایوب نے 53گیندوں پر کیریئر کی پہلی سینچری اسکور کی، بائیں ہاتھ کے بیٹر صائم ایوب نے 62گیندوں پر 3چھکوں اور 17 چوکوں کی مدد سے 113 رنز بنائے اور ناٹ آؤٹ رہے۔
دوسرے اوپنر عبداللہ شفیق نے 32 رنز بنائے اور وہ بھی ناٹ آؤٹ رہے۔ تاہم، پاکستان نے 146 رنز کے ہدف کو 19ویں اوور میں پورا کرکے سیریز 1-1 سے برابر کر دی ہے۔
زمبابوے نے پاکستان کے خلاف ٹاس جیت کر بیٹنگ کا فیصلہ کیا جبکہ میزبان ٹیم 33ویں اوور کی تیسری گیند پر145 رنز بنا کرپویلین لوٹ گئی۔
21 اوورز کے کھیل کر زمبابوے نے 108 رنز بنائے ہیں۔ پاکستان کی جانب سے ابرار احمد نے 4، سلمان آغا نے 3، صائم ایوب اور فیصل اکرم نے ایک، ایک کھلاڑی کو آؤٹ کیا جبکہ ایک کھلاڑی رن آؤٹ ہوا۔
دوسرے میچ کے لیے زمبابوے نے اپنی فاتح سائیڈ برقرار رکھی ہے جب کہ قومی ٹیم میں 2 تبدیلیاں کی گئی ہیں، حسیب اللہ خان کی جگہ طیب طاہر کو موقع دیا گیا ہے اور محمد حسنین کی جگہ محمد ابرار کو ٹیم میں شامل کیا گیا ہے۔
یاد رہے کہ بلاوایو میں ہی کھیلے گئے پہلے میچ میں زمبابوے نے پاکستان کو جیت کے لیے 206 رنز کا ہدف دیا تھا لیکن بارش سے متاثرہ میچ میں قومی ٹیم 21 اوورز میں 6 وکٹوں کے نقصان پر 60 رنز ہی بنا سکی تھی۔
مزید پڑھیں: زمبابوے کے خلاف دوسرا ون ڈے، پاکستان نے پلیئنگ الیون کا اعلان کردیا، ٹیم میں 2تبدیلیاں
بعد ازاں، زمبابوے نے پاکستان کو ڈک ورتھ لوئس سسٹم (ڈی ایل ایس) کے تحت 80 رنز سے شکست دی تھی۔
پاکستان کا اسکوڈ
محمد رضوان (کپتان)، صائم ایوب، عبداللہ شفیق، کامران غلام، طیب طاہر، سلمان علی آغا، محمد عرفان خان، عامر جمال، حارث رؤف، ابرار احمد، اور فیصل اکرم
زمبابوے کا اسکواڈ
کریگ ایروائن (کپتان)، برائن بینیٹ، جویلورڈ گمبی، ٹریور گوانڈو، توانداناشے مارومانی، برینڈن ماوتا، بلیسنگ مزاربانی، رچرڈ نگروا، ڈیون مائرز، سکندر رضا اور سین ولیمز
یاد رہے کہ دونوں ٹیموں کے درمیان 62 ون ڈے انٹرنیشنل میچز کھیلے جاچکے ہیں، ان میں سے 54 میں پاکستان کامیاب رہا جب کہ زمبابوے کو صرف 5 میچز میں کامیابی مل سکی، ایک میچ ٹائی ہوا جبکہ 2 بے نتیجہ ختم ہوئے۔
