گزشتہ چند روز سے پاکستان تحریک انصاف کا احتجاج جاری تھا جسے اب انہوں نے منسوخ کرنے کا اعلان کر دیا ہے، پی ٹی آئی کا کہنا ہے کہ حکومت نے پر امن مظاہرین کے خلاف بربریت کا استعمال کیا اس لیے احتجاج منسوخ کرنے کا اعلان کیا جاتا ہے۔
پی ٹی آئی کے احتجاج کے دوران وفاقی وزیر داخلہ محسن نقوی بھی پیش پیش رہے انہوں نے پی ٹی آئی کو خوب تنقید کا نشانہ بنایا اور اعلان کیا کہ پی ٹی آئی کے ساتھ کسی قسم کے مذاکرات نہیں ہوں گے۔
یہ بھی پڑھیں: شہر بانو نقوی کی کھلی کچہری: ’یہ بڑی ہو کر محسن نقوی بنیں گی‘
اس ساری صورتحال میں سوشل میڈیا پر محسن نقوی کو بھی شدید تنقید کا نشانہ بنایا جاتا رہا، ایسے میں قومی کرکٹ ٹیم کے سابق کپتان راشد لطیف نے وفاقی وزیرداخلہ محسن نقوی کو آڑے ہاتھوں لیتے ہوئے شاعر محسن نقوی کا ایک شعر لکھا اور کہا کہ شاعر وفاقی وزیر داخلہ اور چیئرمین پی سی بی کے لیے کیا خوبصورت شعر کہہ گئے ہیں۔
تم کہاں جاؤ گے سوچو محسن
لوگ تھک ہار کے گھر جاتے ہیں
تم کہاں جاؤ گے سوچو محسن
لوگ تھک ہار کے گھر جاتے ہیںمحسن نقوی ، محسن نقوی کے لئے کیا پیارا شعر کہہ گئے تھے۔
— Rashid Latif | 🇵🇰 (@iRashidLatif68) November 26, 2024
ایک صارف نے اس پر تبصرہ کرتے ہوئے کہا کہ سب سابق کرکٹرز کو اب بولنا چاہیے بےشک سوشل میڈیا پر ہی کیوں نہ بولیں، ان کا مزید کہنا تھا کہ اس وقت جو بولے گا عوام اس کو سر آنکھوں پر بٹھائے گی۔
سب سابق کرکٹرز کو اب بولنا چاہیے بےشک سوشل میڈیا پر ہی کیوں نہ بولیں خدارا اس وقت جو جو بولے گا عوام اسکو سر آنکھوں پر بیٹھائے گی
— Naeem Akhtar (@NaeemAk33710346) November 26, 2024
تیمور جنجوعہ نے راشد لطیف کے ٹوئیٹ کو سراہتے ہوئے لکھا کہ آپ کا انتخاب بہت کمال کا ہے۔
کمال انتخاب راشد بھائی
— Taimoor Janjua (@TJtweetss) November 26, 2024
ایک ایکس صارف نے راشد لطیف کو سیلیوٹ کرتے ہوئے لکھا کہ ہمارے اسٹار میں کوئی تو سچ بولنے والا ہے۔
چلو ہمارے سٹار میں کوئی تو سچ بولنے والا ہے. سر جی سیلوٹ ہے اپ کو https://t.co/YPp2CdFlUR
— khattak (@khattak2292) November 26, 2024
ابنِ اسلام لکھتے ہیں کہ یہ شعر بیک وقت وزیر داخلہ اور چیئرمین پی سی بی دونوں عہدوں پر لاگو ہوتا ہے۔
Ye PCB Chairman or Interior Minister dono pe at the same moment laagu hoti hai https://t.co/VaB6WtSwd5
— 𝕚𝕓𝕟 𝕖 𝕀𝕊𝕃𝔸𝕄 (@its_UmairIslam) November 26, 2024
واضح رہے کہ وفاقی وزیر داخلہ اور چیئرمین پی سی بی محسن نقوی اپنے سیاسی کیرئیر میں ہمیشہ تنقید کی زد میں رہے ہیں، وہ صحافی، چینل کے مالک، نگران وزیراعلیٰ پنجاب رہے ہیں اور اب چیئرمین پاکستان کرکٹ بورڈ اور وفاقی وزیر داخلہ کے عہدے پر فائز ہیں،محسن نقوی نے کریئر کا یہ سفر کم عرصے میں بہت تیزی سے طے کیا۔
یہ بھی پڑھیں: ریڈ زون کا تحفظ اولین ترجیح، مظاہرین سے نمٹنے کے لیے اختیارات پولیس کو سونپ دیے، محسن نقوی
لیکن مخالفین ہمیشہ محسن نقوی کو تنقید کا نشانہ بناتے ہیں اور ان کی سیاسی وابستگیوں کی بات کرتے ہیں کہ ان کا جھکاؤ ایک خاص جماعت کی جانب ہے بلکہ چند سیاسی حلقے بھی اس پر تحفظات کا اظہار بھی کر چکے ہیں۔
کرکٹ کی بات کی جائے تو مخالفین کی جانب سے کہا جاتا ہے کہ جب سے محسن نقوی نے پی سی بی کا عہدہ سنبھالا ہے پاکستانی کرکٹ ٹیم کا معیار زبوں حالی کا شکار ہے۔ کرکٹ میں ایسے فیصلے کیے جا رہے ہیں جو ٹیم کی پرفارمنس کو مزید گراتے چلے جا رہے ہیں۔
