اسلام آباد پولیس نے کہا کہ کسی بھی پرامن پشتون کو حراست میں نہیں لیا گیا، پشتون ہمارے بھائی اور ہمیں بہت عزیر ہیں۔ غیور اور بہادر پشتون اس وطن کے محافظ اور پاکستانی قوم کا فخر ہیں۔
پشتون ہمارے بھائی اور ہمیں عزیز ہیں۔ غیور اور بہادر پشتون اس وطن عزیز کے محافظ ہیں اور پاکستانی قوم کا فخر ہیں۔
حالیہ امن عامہ کی صورتحال کے دوران کسی بھی پر امن پشتون کو ہرگز حراست میں نہیں لیا گیا۔
قانونی کارروائی شر پسند عناصر کے خلاف عمل میں لائی گئی ہے نہ کہ کسی قومیت اور…— Islamabad Police (@ICT_Police) December 3, 2024
اسلام آباد پولیس کی جانب سے سوشل میڈیا سائٹ ایکس پر پوسٹ کرتے ہوئے لکھا کہ حالیہ امن عامہ کی صورتحال کے دوران کسی بھی پرامن پشتون کو ہرگز حراست میں نہیں لیا گیا۔ کسی قومیت اور علاقہ کی بنیاد پر قانونی کارروائی عمل میں نہیں لائی گئی۔
مزید پڑھیں: 24نومبر احتجاج: قانون شکنوں سے سختی سے نمٹا جائیگا، اسلام آباد پولیس
اسلام آباد پولیس نے اپنے بیان میں لکھاکہ شر پسند عناصر کے خلاف کارروائی عمل میں لائی گئی۔ مذموم مقاصد کے لیے منفی پراپیگنڈا کیا جارہا ہے جو کہ قومی سالمیت کے خلاف سازش ہے۔
واضح رہے 24نومبر کے احتجاج کے دوران اسلام آباد پولیس نے بہت سارے پشتونوں کو حراست میں لیا تھا جن میں افغانی بھی شامل تھے۔ تاہم، اسلام آباد پولیس نے شرپسندی پھیلانے والے عناصر کے خلاف قانونی کارروائی کا فیصلہ کیا تھا۔
