مدینہ منورہ کو عالمی معیار کے سیاحتی مقامات کی درجہ بندی میں 2024 کے لیے 100 بہترین سیاحتی مقامات میں شمار کیا گیا ہے۔ عالمی سطح پر مدینہ منورہ کا نمبر 88، مشرقِ وسطیٰ میں 7، عرب ممالک میں 6، اور خلیجی ممالک میں 5 ہے، جبکہ سعودی عرب میں یہ پہلے نمبر پر ہے۔
یہ درجہ بندی یورو مانیٹر انٹرنیشنل کے ایک جامع رپورٹ کے مطابق کی گئی ہے، جس نے 55 مختلف معیارات پر دنیا بھر کے 210 شہروں کا تجزیہ کیا۔ ان معیارات میں اقتصادی اور تجارتی کارکردگی، سیاحتی انفراسٹرکچر، سیاحتی کارکردگی، صحت اور سلامتی، پائیداری اور سیاحتی پالیسیاں شامل ہیں۔
مدینہ منورہ کی اس کامیابی کا سہرا مقامی حکام کی کوششوں کو جاتا ہے جنہوں نے زائرین کے تجربات کو بہتر بنانے کے لیے بڑے پیمانے پر اقدامات کیے۔ ان اقدامات میں سیاحتی خدمات کا فروغ، اسٹریٹجک منصوبہ بندی، اور انفراسٹرکچر میں بہتری شامل ہیں۔
یہ کامیابی مدینہ منورہ کو بین الاقوامی سطح پر ایک اہم سیاحتی مقام کے طور پر مزید مستحکم کرے گی۔
