پاکستان اور نیوزی لینڈ کے درمیان کھیلے گئے پہلے ٹی 20 میچ میں پاکستان نے نیوزی لینڈ کو 88 رنز سے شکست دے دی ہے۔
پاکستان اور نیوزی لینڈ کے درمیان کھیلے گئے پہلے ٹی 20 میچ میں پاکستان نے پہلے بیٹنگ کرتے ہوئے 19.5 اوورز میں تمام کھلاڑی کھو کر 182 رنز اسکور کئے۔
نوجوان کھلاڑی صائم ایوب 28 گیندوں پر 47 جبکہ فخر زمان 34 گیندوں پر 47 رنز بنا کر ٹاپ اسکورر رہے۔
پاکستان کی جانب سے محمد رضوان نے 10 گیندوں پر8 جبکہ کپتان بابر اعظم صرف 9 رنز بنا کر آؤٹ ہوئے۔
پاکستانی کھلاڑی شاداب خان 5، عماد وسیم 16 جبکہ شاہین آفریدی 1 رن بنا سکے۔
پاکستان کے فہیم اشرف نے 22، حارث راؤف نے 11 رنز بنائے جبکہ افتخار احمد اپنا کھاتا کھولے بغیر ہی پولین لوٹ گئے۔
نیوزی لینڈ کی جانب سے میٹ ہینری نے لگاتار تین گیندوں پر تین کھلاڑیوں کو آؤٹ کر کے ہیٹرک کی۔
نیوزی لینڈ کی جانب سے جیمز نیشم نے 1، ایڈم ملنے نے 2 اور بین لسٹر نے بھی 2 کھلاڑیوں کو آؤٹ کیا۔
دوسری جانب ہدف کے تعقب میں نیوزی لینڈ کی ٹیم 15.3 اوورز میں صرف 94 رنز بنا سکی اور اس کے تمام کھلاڑی آؤٹ ہو گئے۔
نیوزی لینڈ کے بلے باز چیڈ بوویس 1 رن بنا کر زمان خان کی بال کر ایل بی ڈبلیو آؤٹ ہوئے جبکہ ویل ینگ 2 رنز بنا کر شاہین آفریدی کا شکار بنے۔
نیوزی لینڈ کے تیسرے کھلاڑی ڈیرل مچل 11 رنز بنا کر فہیم اشرف کے ہاتھوں آؤٹ ہوئے جبکہ کپتان ٹام لیتھم 20 اور جمیز نیشم 15 رنز اسکور کر کے حارث راؤف کی گیند پر آؤٹ ہوئے۔
نیوزی لینڈ کے بلے باز مارک چاپمین 34 رنز بنا کر شاداب کی باؤلنگ پر کیچ آؤٹ ہوئے۔
پاکستان کی جانب سے حارث راؤف نے 4 جبکہ عماد وسیم نے 2 کھلاڑیوں کو آؤٹ کیا۔ شاہین آفریدی، زمان خان، فہیم اشرف اور شاداب خان نے ایک ایک کھلاڑی کو پولین بھیجا۔
پاکستان کی جانب سے 4 کھلاڑیوں کو آؤٹ کرنے پر حارث راؤف کو میچ کا بہترین کھلاڑی قرار دیا گیا۔
واضح رہے کہ نیوزی لینڈ کیخلاف میچ شروع ہوتے ہی کپتان بابراعظم نے ٹی 20 انٹرنیشنل میچز کی سنچری مکمل کرنے کا سنگ میل بھی عبور کرلیا ہے۔
بابر اعظم ٹی 20 میچز کی سنچری کرنے والے تیسرے پاکستانی بن گئے ہیں۔
پاکستان کے شعیب ملک نے 124 اور محمد حفیظ نے119 ٹی 20 انٹرنیشنل میچز کھیلے ہوئے ہیں۔
پاکستانی کپتان دنیا کے مجموعی طور پر 100 ٹی 20 کھیلنے والے 20 ویں کھلاڑی ہیں۔
واضح رہے کہ پانچ ٹی 20 میچز پر مشتمل ٹی 20 سیریز کے پہلے میچ میں پاکستان نے نیوزی لینڈ کے خلاف ٹاس جیت کر بیٹنگ کا فیصلہ کیا تھا۔
لاہور میں کھیلے جا رہے میچ میں کپتان بابر اعظم نے ٹاس جیت کر بیٹنگ کا فیصلہ کیا۔ پلیئنگ الیون میں محمد رضوان، فخرزمان، صائم ایوب، شاداب خان، افتخار احمد، عماد وسیم اور فہیم اشرف شامل ہیں۔
اس کے علاوہ شاہین شاہ آفریدی،حارث رؤف اور زمان خان بھی ٹیم کا حصہ ہیں۔
نیوزی لینڈ ٹیم کی قیادت ٹام لیتھم کررہے ہیں جبکہ پلیئنگ الیون میں چیڈ بوویس، ویل ینگ، ڈیرل مچل، مارک چاپمین، جیمز نیشم، راچین رویندرا، ایڈم ملنے، میٹ ہینری، ایش سودی اور بین لسٹر شامل ہیں۔
